కమల్ హాసన్ కెరీర్ లో అప్స్ అండ్ డౌన్స్ ఉండొచ్చు. ఆయన సినిమాలన్నీ కమర్షియల్ గా సక్సెస్ కాకపోవచ్చు. ఐతే కమల్ అభిమానులకు ఆ విషయాలేమీ పట్టవు. తమిళంలో అయినా, తెలుగులో అయినా ఆయన అభిమానులు కమల్ ఎలా చేశాడు, ఎలా ఎంటర్ టైన్ చేశాడు అన్నదే చూస్తారు. మొన్న వేసవికి వచ్చిన ‘ఉత్తమ విలన్’ కమర్షియల్ గా సక్సెస్ కాలేదు. కానీ అందులో కమల్ పెర్ఫామెన్స్ మాత్రం అదిరిపోయింది. అది చాలు లోకనాయకుడి అభిమానులకు. ఆయన పెర్ఫామెన్స్ ను తనివితీరా ఆస్వాదించారు. కడుపు నింపుకున్నారు. ఇంతలోనే మరో సినిమాతో తన అభిమానుల్ని పలకరించడానికి వచ్చేస్తున్నాడు కమల్.
కమల్ కొత్త సినిమా చీకటి రాజ్యం (తమిళంలో తూంగా వనం) అనుకున్నట్లే దీపావళికి విడుదల కాబోతోంది. నవంబరు 10న ఈ సినిమాను ప్రేక్షకుల ముందుకు తేబోతున్నారు. ఓ ఫ్రెంచ్ నవల ఆధారంగా తెరకెక్కిన థ్రిల్లర్ ఈ సినిమా. ఒక్క రాత్రిలో జరిగే పరిణామాలతో కథ అల్లాడు కమల్. తన కొడుకును కాపాడ్డం కోసం ఓ అధికారి చేసే ప్రయత్నమే ఈ సినిమా. కమల్ శిష్యుడు రాజేష్ సెల్వ ఈ సినిమాకు దర్శకత్వం వహించాడు. త్రిష - ప్రకాష్ రాజ్ - కిషోర్ - సంపత్ రాజ్ లాంటి ప్రతిభావంతులు ముఖ్య పాత్రలు పోషించారు. సినిమా సెన్సార్ కూడా అయిపోయింది. నిడివి 2 గంటల 7 నిమిషాలు. ఇందులో ఒకే ఒక్క పాట ఉంటుందట. అది కూడా బిట్లు బిట్లుగా వస్తుందంతే. ఆద్యంతం ప్రేక్షకులు కుర్చీలకు అతుక్కుపోయి చూసే థ్రిల్లర్ ఇదని చెబుతోంది చిత్ర బృందం. డేటు కూడా ఇచ్చేశారు కాబట్టి.. కమల్ సందడి చూడ్డానికి ఉత్కంఠతో వెయిట్ చేస్తున్నారు అభిమానులు.
కమల్ కొత్త సినిమా చీకటి రాజ్యం (తమిళంలో తూంగా వనం) అనుకున్నట్లే దీపావళికి విడుదల కాబోతోంది. నవంబరు 10న ఈ సినిమాను ప్రేక్షకుల ముందుకు తేబోతున్నారు. ఓ ఫ్రెంచ్ నవల ఆధారంగా తెరకెక్కిన థ్రిల్లర్ ఈ సినిమా. ఒక్క రాత్రిలో జరిగే పరిణామాలతో కథ అల్లాడు కమల్. తన కొడుకును కాపాడ్డం కోసం ఓ అధికారి చేసే ప్రయత్నమే ఈ సినిమా. కమల్ శిష్యుడు రాజేష్ సెల్వ ఈ సినిమాకు దర్శకత్వం వహించాడు. త్రిష - ప్రకాష్ రాజ్ - కిషోర్ - సంపత్ రాజ్ లాంటి ప్రతిభావంతులు ముఖ్య పాత్రలు పోషించారు. సినిమా సెన్సార్ కూడా అయిపోయింది. నిడివి 2 గంటల 7 నిమిషాలు. ఇందులో ఒకే ఒక్క పాట ఉంటుందట. అది కూడా బిట్లు బిట్లుగా వస్తుందంతే. ఆద్యంతం ప్రేక్షకులు కుర్చీలకు అతుక్కుపోయి చూసే థ్రిల్లర్ ఇదని చెబుతోంది చిత్ర బృందం. డేటు కూడా ఇచ్చేశారు కాబట్టి.. కమల్ సందడి చూడ్డానికి ఉత్కంఠతో వెయిట్ చేస్తున్నారు అభిమానులు.