గుర్రాల‌పై చిరు.. చర‌ణ్‌

మెగాస్టార్ రీ ఎంట్రీ ఇచ్చేశాడు. ఆయ‌న సెట్ లో ఉంటే టాలీవుడ్ ఫిల్మ్ ఇండ‌స్ట్రీలో వాతావ‌ర‌ణం ఎంత క‌ళ క‌ళ‌గా ఉంటుందో మ‌రోసారి చూపించాడు. ఇప్పుడు ఎక్క‌డికి వెళ్లినా `బ్రూస్‌ లీ`లో చిరు లుక్ గురించే మాట్లాడుకొంటున్నారు. ఏడేళ్ల త‌ర్వాత చిరు ఎలా క‌నిపిస్తాడో,  `బ్రూస్‌ లీ`లో ఆయ‌న ఎలా సంద‌డి చేయ‌బోతున్నాడో అంటూ  రేపు జ‌ర‌గ‌నున్న ఆడియో ఫంక్ష‌న్ లో మ‌చ్చుకు కొంచెం తెలిసే అవ‌కాశం ఉంది.

అయితే అంత‌లోపే చిరుకి సంబంధించిన కొన్ని  ఫొటోలు బ‌య‌టికొచ్చాయి. అవి సెట్ లో తీసిన‌వి. ఒక‌టి షాట్ కోసం వెళుతున్న‌ప్పుడు తీసిన ఫొటో, మ‌రొక‌టి చ‌ర‌ణ్‌ తో క‌లిసి గుర్రంపై ఉన్న‌ప్ప‌టి ఫొటో.  షాట్‌ కోసం వెళుతున్న‌ప్ప‌టి ఫొటో చూస్తుంటే దిమ్మ‌తిరిగి పోతోంది. చిరు స్టైల్‌ లోనూ - హుషారులోనూ ఏమాత్రం వేడి త‌గ్గ‌లేద‌ని ఇక్క‌డున్న ఆ ఫొటో చూస్తుంటేనే అర్థ‌మ‌వుతోంది. ఇక చ‌ర‌ణ్‌ - చిరు ఇద్ద‌రూ క‌లిసి రెండు గుర్రాల‌పై ఉన్న ఫొటో మ‌రింత ఆస‌క్తికి గురిచేస్తోంది. చిరు కార్ లోనో - ఫ్లైట్‌ లోనో ఎంట్రీ ఇవ్వ‌డం లేద‌ని, గుర్రంపైనే ఎంట్రీ ఇవ్వ‌బోతున్నాడ‌ని ఈ ఫొటోని బ‌ట్టి తెలుస్తోంది. మ‌రోప‌క్క త‌న‌యుడు కూడా గుర్రంపై ఉండ‌టం చూస్తుంటే ఇద్ద‌రూ క‌లిసి గుర్రాల్ని దౌడు తీయిస్తూ థియేట‌ర్ల‌ని హోరెత్తించ‌బోతున్నార‌ని అర్థ‌మ‌వుతోంది. మూడు రోజుల‌పాటు చిరుపై కీల‌క స‌న్నివేశాల్ని చిత్రీక‌రించారు. ఇప్పుడు టీమంతా రేపు జ‌ర‌గ‌నున్న ఆడియో ఫంక్ష‌న్‌ లో ట్రైల‌ర్ చూపించేందుకు క‌స‌రత్తులు చేస్తోంది. అందులో చిరుని ఓ షాట్‌ లో చూపిస్తార‌ని స‌మాచారం. శ్రీనువైట్ల ద‌ర్శ‌క‌త్వం వ‌హిస్తున్న ఈ సినిమాలో రామ్‌ చ‌ర‌ణ్ స‌ర‌స‌న ర‌కుల్‌ ప్రీత్ సింగ్ న‌టిస్తోంది.