వెన‌క‌బ‌డింది చిరంజీవేనా?!

మూడు నెల‌ల ముందు వ‌ర‌కు కూడా వ‌చ్చే సంక్రాంతికి బాక్సాఫీసు ద‌గ్గ‌ర నాలుగైదు సినిమాలు పోటీప‌డే వాతావ‌ర‌ణం క‌నిపించింది. చిరంజీవి - బాల‌కృష్ణ‌ - వెంక‌టేష్‌ - నాగార్జున సినిమాల‌తో పాటు శ‌ర్వానంద్ న‌టిస్తున్న శ‌త‌మానం భ‌వ‌తి కూడా సంక్రాంతినే టార్గెట్ చేసుకుంది. ఎవ్వ‌రూ కూడా వెన‌క్కి త‌గ్గ‌కుండా సంక్రాంతికి  మేం ఖ‌చ్చితంగా  వ‌స్తామంటే మేం  ఖ‌చ్చితంగా వ‌స్తామ‌ని ప్ర‌క‌ట‌న‌లు గుప్పించారు. దాంతో పోటీ రస‌వ‌త్త‌రంగా ఉండ‌బోతోంద‌ని ఊహించారు ప్రేక్ష‌కులు. కానీ విడుద‌ల తేదీ ద‌గ్గ‌ర ప‌డుతున్న‌కొద్దీ కొన్ని సినిమాలు వెనక్కి వెళ్లిపోయాయి. అందులో నాగార్జున `ఓం న‌మో వేంక‌టేశాయ` - వెంక‌టేష్ `గురు` సినిమాలున్నాయి. ఓం నమో వేంక‌టేశాయ ఫిబ్ర‌వ‌రికి కూడా క‌ష్ట‌మ‌ని నాగార్జున ప్ర‌క‌టిస్తుండ‌గా, మా `గురు` సినిమాని మాత్రం రిప‌బ్లిక్ డేకి విడుద‌ల చేస్తామ‌ని వెంకీ చెబుతున్నారు. దీన్నిబ‌ట్టి సంక్రాంతి బ‌రిలో నిలిచే సినిమాలు మూడే అని తేలిపోయింది.

చిరంజీవి `ఖైదీ నెంబ‌ర్ 150`తో పాటు, బాల‌కృష్ణ `గౌత‌మీపుత్ర శాత‌క‌ర్ణి` - శ‌ర్వానంద్ `శ‌త‌మానం భ‌వ‌తి` సినిమాలు మాత్ర‌మే సంక్రాంతికి విడుద‌ల‌వుతాయి. అయితే ఈ మూడు సినిమాల్లో `గౌత‌మీపుత్ర‌శాత‌క‌ర్ణి` - `శ‌తమానం భ‌వతి` ఇప్ప‌టికే చిత్రీక‌ర‌ణ పూర్తి చేసుకున్నాయి. గౌత‌మీపుత్ర శాత‌క‌ర్ణి ద‌ర్శ‌కుడు క్రిష్ త‌న సినిమా ర‌న్ టైంతో స‌హా చెబుతున్నాడు. శ‌త‌మానం భ‌వతి`కి కూడా నిన్న‌నే గుమ్మ‌డికాయ కొట్టేశారు. కానీ చిరు సినిమా మాత్రం ఇంకా షూటింగ్ జ‌రుపుకుంటూనే ఉంది. కాస్త టాకీ పార్ట్‌ తో పాటు - కొన్ని పాట‌లు కూడా షూట్ చేయాల్సి ఉంద‌ట‌. ఈ లెక్కన అంద‌రికంటే వెన‌క‌బ‌డింది చిరంజీవినే అన్న‌మాట‌. బాల‌య్య‌ - శ‌ర్వానంద్‌ లు మాత్రం షూటింగ్ కంప్లీట్ అయ్యింది కాబ‌ట్టి నీటుగా ప‌బ్లిసిటీ చేసుకోవాల‌ని ప్లాన్ చేసుకుంటున్నారు. వాళ్ల‌ని చూసైనా చిరు వేగం పెంచాల్సిందే.

Like Us on Facebook : https://www.facebook.com/Tupakidotcom/