దిల్ రాజు పై మెగాస్టార్ పంచ్

నిన్న విడుదలైన 'సైరా నరసింహ రెడ్డి' సినిమాకు పాజిటీవ్ రెస్పాన్స్ రావడంతో ఈరోజు 'సైరా' టీం మీడియా ముందుకొచ్చి సక్సెస్ మీట్ ఏర్పాటు చేసారు. అయితే ఈ ప్రెస్ మీట్ లో కొన్నిపంచులు వినబడ్డాయి. సినిమాలో అమితాబ్ బచ్చన్  - జగపతి బాబు - కిచ్చా సుదీప్ - విజయ్ సేతుపతి చిన్నవే అయినా ముఖ్య పాత్రల్లో కనిపించారు.  అనుష్క కూడా అతిథి పాత్రలో తలుక్కు మంది. అయితే లేటెస్ట్ గా సక్సెస్ మీట్ లో జగపతి బాబు వేసిన పంచ్ హైలైట్ గా నిలిచింది.

ఏదైనా మొహమాటం పడకుండా చెప్పేయడం నాకు అలవాటు అందుకే ఒక ఆర్టిస్టు అన్నమాట ఇప్పుడు చెప్తున్నా అంటూ సెట్ లో వినబడిన డైలాగ్ అక్కడ చెప్పేసాడు జగపతి బాబు. చరణ్ మనల్ని కాస్ట్ లీ జూనియర్ ఆర్టిస్టులుగా తీసుకున్నాడే. అన్నది నేను కాదు అంటూ మళ్ళీ సంజాయిషీ ఇచ్చుకున్నాడు జగ్గుభాయ్. అయితే తనకి మాత్రం చరణ్ సురేందర్ రెడ్డి చాలా మంచి పాత్ర ఇచ్చారని ఆర్టిస్టుగా తనకి ఈ సినిమా ఎంతో సాటిస్ఫాక్షన్ పొందానని అన్నాడు. అయితే జగ్గుబాయ్ అన్నట్టు ఇంతకీ జూనియర్ ఆర్టిస్టులతో పోల్చుకొని నిరాశ పడిన ఆ ఆర్టిస్ట్ ఎవరో ... మరి ? నిజానికి మెగా స్టార్ పక్కన మిగతా పాత్రలు పెద్దగా ఆనలేదనే టాక్ కూడా ఉంది.

ఇక ఇదే వేదికపై మెగా స్టార్ చిరు దిల్ రాజు మీద సరదాగా ఓ పంచ్ వేసాడు. దిల్ రాజు ఈ కార్యక్రమానికి రావడం సంతోషంగా ఉంది. ఆయన ఎప్పుడూ చరణ్ కి సపోర్ట్ గా నిలుస్తుంటారు. ఇక చరణ్ కి ఎంతో కొంత డబ్బులు ఇస్తాడని ఆశిస్తున్నా అంటూ కలెక్షన్స్ గురించి దిల్ రాజు పై  ఓ పంచ్ వేసారు మెగాస్టార్. ఉన్నపళంగా అక్కడున్నవారందరూ పక్కుమని నవ్వేసారు. సైరాకు దిల్ రాజు డిస్ట్రిబ్యూటర్ వ్యవహరించిన సంగతి తెలిసిందే. అందుకే చిరు దిల్ రాజుని అలా అన్నారు.