టీజర్ టాక్: మొదలెట్టిన చుల్ బుల్ పాండే!

2010 లో రిలీజ్ అయిన 'దబాంగ్' సల్మాన్ కు ఓ బ్లాక్ బస్టర్ ను అందించింది. ఆ సినిమాలో సల్మాన్ పోషించిన చుల్ బుల్ పాండే పాత్రకు భారీ ఆదరణ దక్కడంతో ఆ సినిమా ఒక ఫ్రాంచైజీగా రూపుదిద్దుకుంది.  మొదటి పార్ట్ కు అభినవ్ కశ్యప్ దర్శకత్వం వహించగా 'దబాంగ్ 2' కు సల్మాన్ తమ్ముడు అర్బాజ్ ఖాన్ దర్శకత్వం వహించాడు.  సెకండ్ ఇన్స్టాల్ మెంట్ కు కలెక్షన్స్ అయితే వచ్చాయి కానీ  విమర్శకులతో పాటు ప్రేక్షకులు కూడా పెదవి విరిచారు. ఈ సీరీస్ తో ప్రస్తుతం మూడవ సినిమా త్వరలో రానుంది.  'దబాంగ్ 3' ప్రమోషన్స్ కూడా స్టార్ట్ అయ్యాయి.

ఈ సినిమాకు ప్రమోషనల్ టీజర్ ను కట్ చేసింది చిత్రబృందం.  52 సెకన్ల నిడివి ఉన్న ఈ టీజర్ లో సినిమాకు సంబంధించిన అంశాలు ఏవీ రివీల్ చెయ్యలేదు. అయితే తిక్క ఎక్కువగా ఉండే సిన్సియర్ పోలీస్ ఆఫీసర్ చుల్ బుల్ పాండే గెటప్ లో సల్మాన్ మాట్లాడతాడు. "ఏం మాట్లాడుతున్నారు.. మొత్తం భారతదేశం ఎమోషన్స్ చుల్ బుల్ పాండేతో ముడిపడి ఉంటే దబాంగ్ ప్రమోషన్స్ సల్మాన్ ఖాన్ ఎందుకు చేస్తాడు? సినిమా నాది.. పోస్టర్ నాది.. అలాంటప్పుడు ప్రమోషన్స్ కూడా నేనే చేస్తాను" అంటూ చుల్ బుల్ పాండే  గెటప్ లో సల్మాన్ ఖాన్ చెప్తాడు.  దాన్ని కొనసాగిస్తూ "ఇప్పటి నుంచి డిసెంబర్ 20 వరకూ.. ఆ తర్వాత కూడా మాకు స్వాగతం ఇవ్వండి" అంటూ చుల్ బుల్ పాండే ప్రేక్షకులను కోరాడు.

ఈ సినిమాలో సోనాక్షి సిన్హా హీరోయిన్ గా నటిస్తోంది. సుదీప్.. అర్బాజ్ ఖాన్.. మహీ గిల్.. సంతోష్ శుక్లా ఇతర కీలక పాత్రల్లో నటిస్తున్నారు.  ఈ సినిమాకు సాజిద్-వాజిద్ ద్వయం బాణీలు అందిస్తున్నారు.  ఈ సినిమాకు దర్శకుడు ప్రభుదేవా. ఈ చిత్రాన్ని సల్మాన్ ఖాన్ అర్బాజ్ ఖాన్ సంయుక్తంగా నిర్మిస్తున్నారు.  డిసెంబర్ 20 న 'దబాంగ్ 3' రిలీజ్ అవుతోంది.


Full View