పింగా పాటతో పనిజరగలేదమ్మా...

అసలు ఇద్దరు హీరోయిన్లు ఒకేసారి ఒకేపాటలో కనిపించడం అంటే పెద్ద విషయమేం కాదు. కాకపోతే ఒకరు స్టార్ హీరోయిన్‌ అయితే మరొకరికి కాస్త డమ్మీ హీరోయిన్‌ నే పెట్టి మనోళ్ళు మ్యానేజ్‌ చేస్తుంటారు. ఇదంతా ఈగోలను సాటిస్‌ ఫై చేయడం కోసం. ఇక బాలీవుడ్‌ లో మాత్రం అడపాదడపా స్టార్ హీరోయిన్లు ఒకే పాటలో కలసి నటిస్తుంటారులే.

ఆ కోవలో చూస్తే.. అతి పెద్ద హిట్‌ సాంగ్‌ డోలా రే డోలా అంటూ ఐశ్వర్య రాయ్‌ - మాధురి దిక్షిత్‌ లు చిందేసిన పాటే. దీనికి పోటీగా డస్కీ భామలు దీపికా పదుకొనె - ప్రియాంక చోప్రా ఇప్పుడు 'పింగా' అనే పాటతో వస్తున్న విషయం ఆల్రెడీ చెప్పుకున్నాం. కాస్త లేటుగా ఆదివారం ఉదయం ఈ పాటను రిలీజ్‌ చేశారు ఈరోస్‌ వారు. అయితే పాట చూస్తే హుషారుంది కాని.. పాటలో అమ్మాయిల దగ్గర మాత్రం అంత ఛార్మింగ్‌ ఎబిలిటీ ఏమీ లేదు. అప్పట్లో ఐష్‌ - మాధురి ఇద్దరూ మహా అందగత్తెలు. పైగా డ్యాన్సర్లు. సో పాటను ఉతికి ఆరేశారు. వాళ్లు స్టెప్పులేస్తుంటే బాడీ పులకించేది. అలాగే వారి ముఖంలో హావభావాలు చూసినా కూడా మైకం కమ్మేది.

కాని ఇప్పుడు ప్రియాంక, దీపిక విషయంలో మాత్రం అంత సీన్‌ లేదు. ఏదో సో సో గా ఇద్దరూ చేశారే కాని.. ఆ మ్యాజిక్‌ అయితే లేదు. పింగా అంటూ సాగే ఈ పాట త్వరలో రిలీజ్ అయ్యే బాజీరావ్‌ మస్తానీ సినిమాలో ఉంది. ఈ పాటతో ఆ పాటను బీట్‌ చేయడం అనే పని జరగలేదు కాని.. మరి యువతరానికి ఈ ముద్దుగుమ్మల మహారాష్ట్ర ఆడపడుచుల లుక్‌ ఎంతవరకు నచ్చుతుందో చూడాలి.

Watch:http://erosnow.com/#!/music/watch/1038704/bajirao-mastani/6611827/exclusive---pinga