‘‘రేయ్ నీ హిస్టరీలో బ్లడ్డుందేమో.. కానీ నా బ్లడ్డుకే హిస్టరీ ఉంది’’ ఇదీ డిక్టేటర్ సినిమాలో బాలయ్య పలికిన పవర్ ఫుల్ డైలాగ్. ‘‘మద్యం తాగడం ఆరోగ్యానికి హానికరం. నాలాంటోణ్ని రెచ్చగొట్టడం జీవితానికే ప్రమాదకరం’’.. ఇది ఇంకో బాలయ్య మార్కు డైలాగ్. మొత్తానికి ‘డిక్టేటర్’ సినిమా అభిమానుల అంచనాలకు ఏమాత్రం తగ్గకుండా ఉండబోతోందని టీజర్ చూస్తే అర్థమైపోతోంది. దసరా సందర్భంగా డిక్టేటర్ టీజర్ విడుదల చేస్తామని ప్రకటించిన ‘డిక్టేటర్’ టీమ్ ఈ రోజు ఉదయం పదిన్నరకు టీజర్ ను జనాల ముందుకు తెచ్చింది. డైరెక్టర్ శ్రీవాస్ ట్విట్టర్ లో టీజర్ లాంచ్ చేశాడు.
ఎప్పట్లాగే బాలయ్య పవర్ ఫుల్ రోల్ లో, విభిన్నమైన అవతారాల్లో దర్శనమిచ్చాడు. శ్రీవాస్ గత సినిమాల్లాగే యాక్షన్, ఎంటర్ టైన్ మెంట్, ఫ్యామిలీ ఎమోషన్స్ కు సమానంగా ప్రాధాన్యమిచ్చారని టీజర్ ఇండికేట్ చేస్తోంది. అంజలి అందంగా కనిపిస్తుంటే.. సోనాల్ చౌహాన్ తన గ్లామర్ తో రెచ్చగొడుతోంది. సంక్రాంతికి ‘డిక్టేటర్’ రాదేమో అన్న సందేహాలకు కూడా టీజర్ తెరదించేసింది. 2016 సంక్రాంతికి విడుదల అని అనౌన్స్ మెంట్ కూడా ఇచ్చేసింది డిక్టేటర్ టీమ్. తమన్ ఈ సినిమాకు సంగీతాన్నందిస్తుండగా.. ఈరోస్ సంస్థతో కలిసి శ్రీవాసే స్వయంగా ఈ సినిమాను నిర్మిస్తున్నాడు. కోనవెంకట్ - గోపీమోహన్ - రత్నం - శ్రీధర్ సీపాన.. ఇలా నలుగురు రచయితలు కలిసి రెడీ చేసిన స్క్రిప్టు ఇది కావడం విశేషం.
Watch: http://erosnow.com/#!/movie/watch/1038778/dictator/6598076/teaser