భారీ సినిమాలో ఈ తెలుగమ్మాయి ఛాన్స్ కొట్టేసిందా..??

టాలీవుడ్ లో 'అంతకుముందు ఆ తర్వాత' అనే సినిమాతో తెలుగుతెరకు పరిచయమైన తెలుగు ముద్దుగుమ్మ ఈషారెబ్బ. ఫస్ట్ సినిమాలో మంచి నటన కనబరిచి మెల్లగా అవకాశాలు రాబట్టుకోవడం మొదలు పెట్టింది. మరీ జోరుగా కాకుండా ఇప్పటికి తన కెరీర్ మెల్లగానే రన్ చేస్తుంది. అందం అభినయం కలిగిన ఈషా.. తనకు అవకాశం ఇచ్చిన సినిమాలు చేస్తూ వెళ్తుంది. ఆ విధంగానే బందిపోటు.. అమితుమీ సినిమాలు చేసింది. తెలుగులో పెద్ద‌గా హిట్స్ కాక‌పోవ‌డంతో తమిళంలో ట్రై చేసింది. తెలుగులో గ్లామర్ పరంగా హ‌ద్దులు పెట్టుకున్న ఈషా.. ఇప్పుడు ఆ హద్దులన్నీ చెరిపేసింది. సినిమా కోసం దేనికైనా సిద్ధ‌మంటూ సిగ్న‌ల్స్ ఇచ్చేస్తోందట ఈషా.

ఆ మ‌ధ్య మాయామాల్ అనే సినిమాలో ఈషా సూప‌ర్ గ్లామ‌ర‌స్ పాత్రలో క‌నిపించింది. ఇప్పుడు మ‌రోసారి అందాల డోస్ పెంచేసింది. అన్నీ ఉన్నా కూడా తెలుగ‌మ్మాయి అనేది ఇషాకు అడ్డుగోడగా మారింది. అయితే ఇన్నేళ్ళైనా అమ్మడికి సరైన బ్రేక్ లభించలేదు. అయితే తాజాగా ఈషా ఓ బిగ్ ప్రాజెక్ట్ లో ఓకే అయినట్లు వార్తలొస్తున్నాయి. స్టార్ డైరెక్టర్ గుణశేఖర్ ఎంతో ప్రతిష్టాత్మకంగా ప్లాన్ చేస్తున్న శకుంతలం సినిమాలో ఈషా ఓ కీలక పాత్ర చేయనుందని టాక్. ప్రధాన పాత్రకు సన్నిహితురాలిగా ఈషా చాలా ప్రముఖ పాత్ర పోషించునుందని సమాచారం. అధికారిక ప్రకటన రాలేదు కానీ ఇండస్ట్రీలో నిజమనే వార్తలు వినిపిస్తున్నాయి. ఈ లెక్కన శకుంతలంలో ఈషా ఓకే అయితే ఓ బిగ్ ప్రాజెక్ట్ తన ఖాతాలో పడినట్లే. అయితే శకుంతలం సినిమాలో సమంత లీడ్ రోల్ చేస్తుందని అంటున్నారు. మరి ఆ విషయం కూడా అధికారిక ప్రకటన రావాల్సి ఉంది. చూడాలి మరి ఈషా కెరీర్ ను శకుంతలం అయినా మలుపు తిప్పుతుందేమో!