నిర్మాతగా గత ఏడాదంతా దిల్ రాజు బాగానే జోరు చూపించాడు కానీ.. డిస్ట్రిబ్యూటర్ గా మాత్రం ఆయనకు చేదు అనుభవాలే ఎదురయ్యాయి. ‘ఓం నమో వేంకటేశాయ’.. ‘స్పైడర్’ లాంటి సినిమాలు ఆయనకు దారుణమైన నష్టాలు మిగిల్చాయి. ఈ ఏడాదైనా పరిస్థితి మారుతుందనుకుంటే.. ‘అజ్ఞాతవాసి’ ఆయన్ని పెద్ద దెబ్బే కొట్టింది. ఆ సినిమా రాజుకు 12-14 కోట్ల మధ్య నష్టాలు తెచ్చిపెట్టినట్లు అంచనా. నిర్మాత రాధాకృష్ణ కొంతమేర డబ్బులు వెనక్కి ఇస్తున్నప్పటికీ రాజుకు బ్యాండ్ అయితే తప్పదు. ఐతే పవన్ కళ్యాణ్ సినిమాతో రాజుకు వచ్చిన నష్టాన్ని.. అతడి అన్న కొడుకు వరుణ్ తేజ్ హీరోగా నటించిన ‘తొలి ప్రేమ’ భర్తీ చేసేలా కనిపిస్తోంది.
‘తొలి ప్రేమ’ను రూ.18 కోట్లకు హోల్ సేల్ గా కొనేసి రిలీజ్ చేశాడు దిల్ రాజు. ఈ సినిమాకు అంత పెట్టుబడా అన్నారు కానీ.. ఈ సినిమాకు వచ్చిన టాక్.. తొలి రోజు ఓపెనింగ్స్ చూస్తే రాజు చేసింది రిస్కేమీ కాదని స్పష్టమవుతోంది. ఈ వీకెండ్లో వచ్చిన మిగతా రెండు సినిమాలు తుస్సుమనిపించడం.. అదే సమయంలో ‘తొలి ప్రేమ’కు మంచి టాక్ రావడంతో దీనికి అంచనాల్ని మించి వసూళ్లు వస్తున్నాయి. ఈ చిత్రం ఫుల్ రన్లో ఈజీగా రూ.25 కోట్ల షేర్ మార్కును అందుకుంటుందని అంచనా వేస్తున్నారు. అమెరికాలో ఈ చిత్రం మిలియన్ మార్కును దాటడం కూడా పక్కా. ఇప్పటికే ఈ చిత్రం హాఫ్ మిలియన్ మార్కుకు చేరువగా వచ్చింది. ఈ సినిమా ద్వారా దిల్ రాజు అటు ఇటుగా ఓ పది కోట్ల వరకు వెనకేసుకునే అవకాశాలున్నాయి. దీన్ని బట్టి చూస్తే బాబాయి కొట్టిన దెబ్బకు అబ్బాయి మందేస్తున్నట్లేగా?
‘తొలి ప్రేమ’ను రూ.18 కోట్లకు హోల్ సేల్ గా కొనేసి రిలీజ్ చేశాడు దిల్ రాజు. ఈ సినిమాకు అంత పెట్టుబడా అన్నారు కానీ.. ఈ సినిమాకు వచ్చిన టాక్.. తొలి రోజు ఓపెనింగ్స్ చూస్తే రాజు చేసింది రిస్కేమీ కాదని స్పష్టమవుతోంది. ఈ వీకెండ్లో వచ్చిన మిగతా రెండు సినిమాలు తుస్సుమనిపించడం.. అదే సమయంలో ‘తొలి ప్రేమ’కు మంచి టాక్ రావడంతో దీనికి అంచనాల్ని మించి వసూళ్లు వస్తున్నాయి. ఈ చిత్రం ఫుల్ రన్లో ఈజీగా రూ.25 కోట్ల షేర్ మార్కును అందుకుంటుందని అంచనా వేస్తున్నారు. అమెరికాలో ఈ చిత్రం మిలియన్ మార్కును దాటడం కూడా పక్కా. ఇప్పటికే ఈ చిత్రం హాఫ్ మిలియన్ మార్కుకు చేరువగా వచ్చింది. ఈ సినిమా ద్వారా దిల్ రాజు అటు ఇటుగా ఓ పది కోట్ల వరకు వెనకేసుకునే అవకాశాలున్నాయి. దీన్ని బట్టి చూస్తే బాబాయి కొట్టిన దెబ్బకు అబ్బాయి మందేస్తున్నట్లేగా?