ఇంతకీ బాలయ్య సినిమా ఉందో లేదో?

ఎన్టీఆర్ బయోపిక్ డబుల్ షాక్ తర్వాత ఎన్నికల్లో టీడీపీ దారుణ పరాజయ ప్రవాహంలోనూ ఎమ్మెల్యేగా తాను గెలవడం ఒక్కటే బాలకృష్ణకు ఈ ఏడాదిలో దక్కిన ఊరట. సరే ఇదంతా అయిపోయింది కాబట్టి ఇక కొత్త సినిమా ఎప్పుడు మొదలుపెడతాడా అంటూ అభిమానులు ఎదురు చూస్తున్నారు. ఇప్పటికైతే దగ్గరలో స్టార్ట్ అయ్యే సూచనలు కనిపించడం లేదు. నిర్మాత సి కళ్యాణ్ ఎలాంటి అప్ డేట్స్ ఇవ్వడం లేదు.

బోయపాటి శీనుతో చేస్తాడని అందరు అనుకుంటున్న తరుణంలో అనూహ్యంగా కెఎస్  రవికుమార్ సీన్ లోకి వచ్చాక అంతా రివర్స్ అయ్యింది. పోనీ ఆయనతో ఓకే అయ్యింది కదా త్వరగా ప్రారంభిస్తే వచ్చే సంక్రాంతికి రిలీజ్ చేసుకోవచ్చనే అంచనాలో ఫాన్స్ ఉన్నారు. అయితే లేటెస్ట్ అప్ డేట్ ఇంకోలా ఉంది. అసలు కెఎస్ రవికుమార్ స్క్రిప్ట్ ఇంకా ఫైనల్ అవ్వనేలేదట. ఇంకా ప్రాధమిక దశలోనే ఉందని ఒకవేళ ఇంకో సిట్టింగ్ లో ఏకాభిప్రాయం కుదరకపోతే కాల్ ఆఫ్ చేసే ఛాన్స్ కూడా ఉందని గుసగుసలు వినిపిస్తున్నాయి.

దీనికి భిన్నంగా ఇద్దరు హీరొయిన్లు పాయల్ రాజ్ పుత్ మెహ్రీన్లతో సంప్రదింపులు జరుగుతున్నాయని వాళ్లు ఎస్ అన్నాక అనౌన్స్ మెంట్ వస్తుందని ఇంకో న్యూస్ ఉంది. ఏదీ ఖారారుగా చెప్పడానికి లేదు. అవతల తమిళ్ లో ఆర్టిస్ట్ గా బిజీగా అయిన కెఎస్ రవికుమార్ వాటిని కొంత కాలం బ్రేక్ వేసి పూర్తిగా బాలయ్య 105 మీద ఫోకస్ పెట్టాల్సి ఉంటుంది. అఫీషియల్ అప్ డేట్ వచ్చే దాకా ఏదీ కచ్చితంగా చెప్పలేని పరిస్థితి. బాలయ్య మాత్రం గెడ్డం పెంచి కొత్త లుక్ లోకి వస్తున్నాడు. అది కథ డిమాండ్ మేరకా లేక ఇంకేదైనా కారణమా ప్రస్తుతానికి సస్పెన్స్