డీజే.. హ‌రీష్ అప్పుడే మొద‌లెట్టేశాడోచ్‌

అల్లు అర్జున్ కొత్త సినిమా ‘దువ్వాడ జ‌గ‌న్నాథం’ షూటింగ్ మొద‌లై రెండు నెల‌లే అవుతోంది. సినిమా విడుద‌ల‌కు ఇంకా నాలుగు నెల‌ల దాకా స‌మ‌యం ఉంది. ఐతే టాలీవుడ్లో య‌మ స్పీడుగా సినిమాలు తీసే ద‌ర్శ‌కుల్లో ఒక‌డైన హ‌రీష్ శంక‌ర్.. ఈ సినిమాను కూడా అదే వేగంతో పూర్తి చేస్తున్నాడు. ఇప్ప‌టికే మూడు షెడ్యూళ్ల‌లో కీల‌క స‌న్నివేశాలు పూర్తి చేసిన హ‌రీష్‌.. షూటింగ్ తో స‌మాంత‌రంగా పోస్ట్ ప్రొడ‌క్ష‌న్ ప‌నులు కూడా మొద‌లుపెట్టేశాడు. అప్పుడే ‘దువ్వాడ జ‌గ‌న్నాథం’ ఎడిటింగ్ ప‌నులు ఆరంభం అయిపోవ‌డం విశేషం. దీనికి సంబంధించి త‌న ట్విట్ట‌ర్ అకౌంట్లో అప్ డేట్ కూడా ఇచ్చాడు హ‌రీష్ శంక‌ర్‌.

ఇప్ప‌టిదాకా పూర్తయిన షూటింగ్ పార్ట్ కు సంబంధించి ఎడిటింగ్ ప‌నికి శ్రీకారం చుట్టింది హ‌రీష్ శంక‌ర్ బృందం. ఇప్ప‌టిదాకా ఔట్ పుట్ చాలా బాగా వ‌చ్చింద‌ని.. అల్లు అర్జున్ షో స్టీల్ చేశాడ‌న‌డంలో సందేహ‌మే లేద‌ని హ‌రీష్ వ్యాఖ్యానిస్తూ రెండు మానిట‌ర్ల‌లో ఎడిటింగ్ ప‌నులు జ‌రుగుతున్న దృశ్యాన్ని షేర్ చేశాడు. ప్ర‌స్తుతం హైద‌రాబాద్ లో ‘దువ్వాడ జ‌గ‌న్నాథం కొత్త షెడ్యూల్ జ‌రుగుతోంది. కూతురు పుట్టాక కొన్నాళ్ల పాటు విరామం తీసుకున్న అల్లు అర్జున్.. మ‌ళ్లీ షూటింగులో పాల్గొంటున్నాడు. దిల్ రాజు నిర్మాణంలో తెర‌కెక్కుతున్న ఈ చిత్రంలో బ‌న్నీ స‌ర‌స‌న పూజా హెగ్డే కథానాయిక‌గా న‌టిస్తోంది. బ‌న్నీ ఇందులో రెండు షేడ్స్ ఉన్న క్యారెక్ట‌ర్ చేస్తున్నాడు. వేస‌వికి ఈ చిత్రం ప్రేక్ష‌కుల ముందుకొస్తుంది.

Like Us on Facebook : https://www.facebook.com/Tupakidotcom/