`ఉయ్యాల జంపాల` అవిక‌ను దుర‌దృష్టం వ‌ద‌ల‌దా?

రాజ్ త‌రుణ్ స‌ర‌స‌న ఉయ్యాల జంపాల సినిమాతో తెలుగు తెర‌కు ప‌రిచ‌య‌మైంది అవికాగోర్. బాలికా వ‌ధు సీరియ‌ల్ తో బాల‌నటిగా సుప‌రిచిత‌మైన ఈ బ్యూటీ వ‌రుస‌గా తెలుగు సినిమాల్లో న‌టించింది. ఇక ఇక్క‌డ పెద్ద స్టార్ అయిపోతుంద‌నే అనుకుంటే త‌న‌పై కొంద‌రు కుట్ర చేశార‌ని ఆరోపిస్తూ టాలీవుడ్ కి దూర‌మైంది.

కట్ చేస్తే డిప్రెష‌న్ తో బాగా బ‌రువు పెరిగింది. త‌న రూపం త‌న‌కే అస‌హ్యం క‌లిగించింద‌ని దాంతో అద్దంలో చూసుకోవ‌డ‌మే మానేశాన‌ని అవిక తెలిపింది. వ‌న్ ఫైన్ డే బ‌రువు త‌గ్గి ప్ర‌త్య‌క్ష‌మ‌వ్వ‌డంతో తెలుగు అభిమానులు షాక్ తిన్నారు.

అదంతా స‌రే కానీ.. రూపం మారాక అవిక‌కు క్రేజీగా బాలీవుడ్ యువ హీరో స‌ల్మాన్ బావ‌మ‌రిది ఆయుష్ శ‌ర్మ స‌ర‌స‌న ఆంటిమ్ చిత్రంలో అవ‌కాశం ల‌భించింది. స‌ల్మాన్ ఖాన్ స్వ‌యంగా ఈ మూవీని నిర్మిస్తున్నారు. కానీ ఇంత‌లోనే ఏమైందో కానీ అవిక‌ను తొల‌గించి ఆ ఆఫ‌ర్ ని వేరొక భామ త‌న్నుకుపోవ‌డం చ‌ర్చ‌కు వచ్చింది. సల్మాన్ ఖాన్ చిత్రం ఆంటిమ్ లో అవిక న‌టించ‌బోద‌ని ద‌ర్శ‌కుడు మ‌హేష్ మంజ్రేక‌ర్ వెల్ల‌డించారు.

అవికా మేకర్స్ నుండి స్పష్టత కోసం ఆత్రంగా ఎదురుచూస్తున్న స‌మ‌యంలో దురదృష్టవశాత్తు ఛాన్స్ మిస్స‌య్యింది! అంటూ చ‌ర్చ సాగుతోంది. అవికా గోర్ స్థానంలో `సప్నే సుహానే లడకా పాన్ కే` నటి మహిమా మక్వానాను ఎంపిక చేశార‌ట‌.