ప్చ్..'అరవింద ఈవెంట్ కు బాలయ్య' ఫేక్ అట!

జన్మలో లాటరీ టికెట్ కొనని వాడితో  'మీకు యూరో లాటరీ వచ్చింది.. క్లెయిమ్ చేసుకోవడానికి మీ వివరాలు పంపండి' అంటే తనదే కాకుండా తన ఫ్యామిలీలో మూడునాలుగు తరాల జనాల అధార్ కార్డులను స్కానింగ్ తీసి మరీ పంపుతాడు. ఇక అసలేమాత్రం ఊహించని వాటికే కొంతమంది ఇంత ఎగ్జైట్ అయితే నందమూరి బాబాయ్ - అబ్బాయ్ ల కలయిక కోసం అభిమానులు ఎంతో ఎదురు చూస్తున్నారు.  ఇక అబ్బాయి సినిమా ప్రీ - రిలీజ్ ఫంక్షన్ కు బాబాయ్ వస్తున్నాడని ట్వీట్ వస్తే నమ్మకుండా ఉంటారా?

ఆ ట్వీట్ కూడా హారిక హాసిని ట్విట్టర్ హ్యాండిల్ ను పోలి ఉన్న మరో ట్విట్టర్ హ్యాండిల్ నుంచి వచ్చింది.  'అరవింద సమేత' ప్రీ రిలీజ్ ఈవెంట్ కు నందమూరి బాలకృష్ణ గారు ముఖ్య అతిథిగా రానున్నారని మేము సగర్వంగా తెలియజేస్తున్నాం. ఇక ఈ ట్వీట్ తో పాటు లైవ్ టెలికాస్ట్ ఈ లింక్ ద్వారా జరుగుతుందని ఒక యూట్యూబ్ లింక్ కూడా ఇచ్చారు.అక్టోబర్ 2 సాయంత్రం 6 గంటలకు ఈ ఈవెంట్ ప్రారంభం అవుతుందని తెలిపారు..  ఈ ట్వీట్ నిన్న మధ్యాహ్నం రెండు గంటల ప్రాంతం లో వచ్చింది..  ఇంకేముంది.. స్ట్రాంగ్ కంటెంట్ కదా.. వెంటనే వైరల్ అయింది.

కానీ ఇది ఫేక్ ట్వీట్ అనే విషయం మాత్రం కొందమంది కి అర్థం అయింది. ఈ విషయం సంగతేమో గానీ హారిక హాసినీ వారు తమ ట్విట్టర్ హ్యాండిల్ ద్వారా అరవింద సమేత ఈవెంట్ అక్టోబర్ 2 సాయంత్రం 6 గంటలు జరుగుతుందని.. ఎన్టీఆర్ చేతుల మీదుగా 8.10 pm కు ట్రైలర్ రిలీజ్ అవుతుందని తెలిపారు. ఇక బాలయ్య సంగతి మాత్రం అసలు ప్రస్తావించలేదు. అంటే.. వైరల్ అయిన ట్వీట్ ఫేక్ స్టఫ్ అనే కదా అర్థం!