బస్తీ దాసు అరాచకం - ట్రైలర్ టాక్

టీజర్ టైంలోనే డిఫరెంట్ కంటెంట్ తో ప్రేక్షకుల దృష్టిలో పడ్డ ఫలక్ నుమా దాస్ ట్రైలర్ ఇందాకా విక్టరీ వెంకటేష్ చేతుల మీదుగా విడుదలైంది. సురేష్ ప్రొడక్షన్స్ సంస్థతో పాటు మూడు బ్యానర్లు టై అప్ అయిన మూవీగా దీని మీద ట్రేడ్ లో కూడా ప్రత్యేక అంచనాలు ఉన్నాయి. ఇక ట్రైలర్ విషయానికి వద్దాం. చిన్నప్పటి నుంచే గ్యాంగ్ వార్ ల మీద మోజు పెంచుకున్న దాస్(విశ్వక్ సేన్)ఫలక్ నుమాలో తిరుగులేని లీడర్ గా ఎదగాలని లక్ష్యం పెట్టుకున్నాడు. దానికి తగ్గట్టే దూకుడుగా ఉండే అతని వ్యవహార శైలికి మిత్రులు కూడా తోడవుతారు.

గల్లీలో మటన్ బిజినెస్ చేసుకుంటూ తనకు ఎదురొచ్చిన వాళ్లకు అదే వ్యాపారం చేస్తున్న అపోజిషన్ వాళ్ళకు కొరకరాని కొయ్యగా మారతాడు. హీరో బ్యాచ్ కు అండగా ఉంటాడు లోకల్ లీడర్(ఉత్తేజ్). దాస్ ని ఎలాగైనా లోపలేయాలని టార్గెట్ పెట్టుకుంటాడు ఇన్స్ పెక్టర్(తరుణ్ భాస్కర్). ఇదంతా ఒక వైపు అయితే దాస్ ప్రేమించిన అమ్మాయి(సలోని మిశ్రా)మరోవైపు. చక్రవ్యూహంలాంటి బస్తీ లైఫ్ లో దాస్ ఎలా నెగ్గుకు వచ్చాడు అనేదే కథగా కనిపిస్తోంది

ట్రైలర్ లో కంటెంట్ బోల్డ్ గా ఉంది. గ్యాంగ్ వార్స్ ని చిత్రీకరించిన తీరుతో పాటు బస్తీ జీవితాన్ని సహజంగా కళ్ళకు కట్టినట్టు చూపించే ప్రయత్నం బాగుంది. విశ్వక్ సేన్ న్యాచురల్ గా చెలరేగిపోయాడు. హీరోయిన్లు సైతం క్యూట్ గా ఉన్నారు. ఉత్తేజ-తరుణ్ భాస్కర్ తప్ప తెలిసిన తారాగణం పెద్దగా లేనప్పటికీ ఇంటెన్సిటీతో కథనాన్ని నడిపించే తీరు యూత్ తో పాటు క్రైమ్ స్టోరీస్ ని ఇష్టపడే వాళ్లకు కనెక్ట్ అయ్యేలా ఉంది. వివేక్ సాగర్ బ్యాక్ గ్రౌండ్ స్కోర్ విద్యా సాగర్ చింతా కెమెరా పనితనం బాగున్నాయి. మొత్తానికి ఫలక్ నుమా దాస్ ప్రత్యేక అంచనాలు రేపడంలో సక్సెస్ అయ్యాడు
    
Full View