స్మాల్ బీ కాదు..బిగ్ బీకి బాగా క్లోజ్:తాప్సీ

టాలీవుడ్ లో గుండెల్లో గోదారితో తెరంగేట్రం చేసిన హాట్ హీరోయిన్ తాప్సీ ప‌న్ను....ప్ర‌స్తుతం బాలీవుడ్ లో పాగా వేసిన సంగతి తెలిసిందే. పైగా, త‌న‌కు లైఫ్ ఇచ్చిన టాలీవుడ్ ద‌ర్శ‌కుడు కె. రాఘ‌వేంద్ర‌రావుపై తాప్సీ చేసిన వ్యాఖ్య‌లు వివాదాస్ప‌ద‌మ‌య్యాయి. `పింక్ `సినిమా లో ఈ అమ్మ‌డు చేసిన క్యారెక్ట‌ర్ కు విమ‌ర్శ‌కుల‌తో పాటు ప్రేక్ష‌కుల ప్ర‌శంస‌లూ ద‌క్కాయి. ఆ సినిమాతో తాప్సీ బాలీవుడ్ లో వెలిగిపోతోంది. ముఖ్యంగా ఆ సినిమాలో మ‌రో లీడ్ రోల్ చేసిన బిగ్ బీ అమితాబ్ ను తాప్సీ ఆక‌ట్టుకుంది. దీంతో,బిగ్ బీతో క‌లిసి`బ‌ద్లా` అనే మ‌రో సినిమాలో తాప్సీ న‌టించే చాన్స్ కొట్టేసింది. దాంతోపాటు, అభిషేక్ బ‌చ్చ‌న్ తో `మ‌న్ మ‌ర్జియా`లో న‌టిస్తోంది. ఈ నేప‌థ్యంలో, ఇద్ద‌రు బ‌చ్చ‌న్ ల పై తాప్సీ ఆస‌క్తిక‌ర‌మైన వ్యాఖ్య‌లు చేసింది.

తాను స్మాల్ బీ క‌న్నా.....బిగ్ బీకి బాగా క్లోజ్ అని తాప్సీ కామెంట్ చేసింది. అమితాబ్ బ‌చ్చ‌న్  - అభిషేక్ బ‌చ్చ‌న్ ...ఈ ఇద్ద‌రు ఎవరికి వారు ప్ర‌త్యేక‌మ‌ని తాప్సీ చెప్పింది. వారిద్ద‌రితో ప‌ని చేయ‌డం ఓ గొప్ప అనుభూత‌ని తెలిపింది. అయితే, అమితాబ్ తోనే త‌న‌కు ఎక్కువ సాన్నిహిత్యం ఉంద‌ని తాప్సీ క్లారిటీ ఇచ్చింది. బిగ్ బీ తో ప‌నిచేయ‌డానికి తాను ఎక్కువ ఇష్ట‌ప‌డ‌తాన‌ని, ఆయ‌న‌తో న‌టించ‌డం చాలా సౌక‌ర్య‌వంతంగా ఉంటుంద‌ని చెప్పింది. అయితే, ఇప్ప‌టికి తాప్సీ ...బిగ్ బీతో క‌లిసి రెండో సారి స్క్రీన్ షేర్ చేసుకుంటోంది కాబ‌ట్టి బ‌హుశా ఆమె అలా అభిప్రాయ‌ప‌డి ఉంటుంది. అదే, స్మాల్ బీతో కూడా మ‌రో సినిమాలో న‌టించే చాన్స్ వ‌స్తే...అపుడు ఈ అభిప్రాయం మారే అవ‌కాశం ఉంది. చూద్దాం...బిగ్ బీపై తాప్సీ ఓపీనియ‌న్ భ‌విష్య‌త్తులో కూడా ఇలాగే ఉంటుందేమో.