బాలయ్యతో కలిసి ‘శాతకర్ణి’ చూస్తారా?

గౌతమీపుత్ర శాతకర్ణి సినిమాను మొదట్నుంచి అగ్రెసివ్‌ గా ప్రమోట్ చేస్తున్నాడు డైరెక్టర్ కమ్ ప్రొడ్యూసర్ క్రిష్. సినిమా విడుదలకు సమయం దగ్గర పడుతున్న నేపథ్యంలో మరింత జోరు పెంచాడు క్రిష్. ‘గౌతమీపుత్ర శాతకర్ణి’ని మరింతగా జనాల్లోకి తీసుకెళ్లేందుకు కొత్తగా ఒక కాంటెస్టు కూడా పెట్టారు. ‘గౌత‌మిపుత్ర శాత‌క‌ర్ణి లాయ‌ల్టీ కాంటెస్ట్‌’ పేరుతో ఒక పోటీ పెట్టారు.

గౌత‌మిపుత్ర శాత‌క‌ర్ణి.కాంలోకి వెళ్లి ఈ పోటీలో పాల్గొనవచ్చు. ఈ వెబ్ సైట్లో శాతకర్ణితో పాటు శాతావాహ‌నుల అద్భుత చరిత్ర‌.. బాల‌య్య వంద సినిమాల ప్ర‌స్థానాన్ని పొందు ప‌రిచారు. ఈ వెబ్ సైట్లో రిజిస్టర్ కావడం ద్వారా గౌతమీపుత్ర శాతకర్ణి లాయ‌ల్టీ కాంటెస్టులో పాల్గొనవచ్చు. అందులో అడిగే ప్ర‌శ్న‌ల‌కు ఇచ్చే సమాధానాల ద్వారా కోడ్స్ ఇస్తారు. ఆ కోడ్స్ ద్వారా  శాత‌వాహ‌నుల  రాజ్యానికి చెందిన అమ‌రావ‌తి.. అనూప‌.. విదర్భ‌.. సౌరాష్ట్ర‌.. అవంతి.. అసిక రాజ్యాల్లో మీరు జ‌యించాల‌నుకున్న రాజ్యాల‌ను ఎంచుకోవాలి. ఈ రాజ్యాలను జయించడం ద్వారా పాయింట్లు కూడగట్టి లీడ‌ర్ బోర్డ్‌ లో టాప్‌ కు చేరుకుంటే బ‌హుమ‌తులు గెలుచుకోవచ్చు.

సినిమాలో బాల‌య్య ధరించిన వ‌స్త్రాలతో పాటు స్మార్ట్‌ ఫోన్లు.. ‘గౌతమీపుత్ర శాతకర్ణి’ టీషర్టులు లాంటి బహుమతులు సొంతం చేసుకోవచ్చు. దీంతో పాటు బాల‌కృష్ణ‌ను క‌లిసే అవ‌కాశం కూడా ఉంది. ఇందుకోసం ఆయన ఆధ్వర్యంలో నడిచే బ‌స‌వ‌తార‌క‌మ్మ ఇండో అమెరిక‌న్ క్యాన్స‌ర్ ఆసుపత్రికి నిర్దేశిత చందా అందజేస్తే బాల‌కృష్ణ‌తో కలిసి ‘గౌతమీపుత్ర శాతకర్ణి’ ప్రిమియ‌ర్ షో చూసి.. ఆయనతో డిన్న‌ర్ చేసే అవ‌కాశాన్ని పొంద‌వ‌చ్చు.
Full View


Like Us on Facebook : https://www.facebook.com/Tupakidotcom/