గౌతమీపుత్ర శాతకర్ణి రిలీజ్ డేట్ కన్ఫమ్

మొత్తానికి సంక్రాంతి సినిమాల రిలీజ్ డేట్ల విషయంలో ఒక క్లారిటీ వచ్చేసినట్లే. ముందుగా ‘శతమానం భవతి’ జనవరి 14కి ఫిక్సవగా.. కొన్ని రోజుల కిందటే సెన్సార్ పూర్తి చేసుకున్న ‘ఖైదీ నెంబర్ 150’.. అదే రోజు రిలీజ్ డేట్ కూడా ఫిక్స్ చేసుకుంది. జనవరి 11న చిరు సినిమా విడుదల కానుంది. ఇప్పుడు నందమూరి బాలకృష్ణ సినిమా ‘గౌతమీపుత్ర శాతకర్ణి’ కూడా రిలీజ్ కూడా ఖరారైంది. చిరు సినిమా వచ్చిన ఒక్క రోజుకే ఈ చిత్రం ప్రేక్షకుల ముందుకు రానుంది. దీంతో తెలుగు సినిమా ప్రియులకు వరుసగా రెండు రోజులు జాతరే అన్నమాట.

‘శాతకర్ణి’ జనవరి 3న సెన్సార్ కు వెళ్లబోతున్నట్లు సమాచారం. ఈ సినిమాకు కూడా ‘యు/ఎ’ సర్టిఫికెటే వచ్చే అవకాశముంది. ఈ చిత్ర నిడివి 2 గంటల 12 నిమిషాలని నెల కిందటే డైరెక్టర్ క్రిష్ ప్రకటించాడు. సెన్సార్ అవ్వగానే ‘గౌతమీపుత్ర ప్రమోషన్లను ఉద్ధృతం చేయనున్నారు. ఓవర్సీస్ లో జనవరి 11న భారీగా ప్రిమియర్ షోలు ప్లాన్ చేస్తున్నారు. మరోవైపు ఈ చిత్రానికి రెండు తెలుగు రాష్ట్రాల్లో పన్ను మినహాయింపు దక్కే అవకాశాలున్నాయని.. ఈ మేరకు నిర్ణయాలు కూడా జరిగిపోయాయని సమాచారం. అదే కనుక నిజమైతే డెఫిషిట్ తో సినిమాను రిలీజ్ చేస్తున్న దర్శక నిర్మాత క్రిష్ కు గొప్ప ఊరట దక్కినట్లే.

Like Us on Facebook : https://www.facebook.com/Tupakidotcom/