హిట్ సాంగును ఐస్ స్కేటింగ్ లో చేస్తే!!

వివాదాల నడుమ తెరకెక్కిన పద్మావతి సినిమా విడుదల సమయానికి వచ్చే సరికి పద్మావత్ అనే టైటిల్ తో వచ్చింది. విడుదల తరువాత కూడా సినిమాపై వివాదాలు ఏ మాత్రం తగ్గలేదు. అయితే సినిమా పై ఎలాంటి వ్యతిరేకత ఏర్పడినా కూడా అసలైన ప్రేక్షకులకు బాగానే నచ్చింది. సినిమాలో మెయిన్ గా గూమార్ అనే సాంగ్ కు క్రేజ్ బాగా ఏర్పడింది. మొదట్లో పాటను రిలీజ్ చేసిన చిత్ర యూనిట్ బారి అదరణను ను అందుకుంది.

అప్పుడే రాణి పద్మావతి ని చేడుగా చూపించారని వివాదాలు ఎక్కువగా చెలరేగాయి. కానీ కొంత మందికి మాత్రం ఆ సాంగ్ విపరీతంగా నచ్చేసింది. అయితే ఒక రాజస్థానీ అభిమాని కూడా సగర్వంగా సాంగ్ ని ఇష్టపడి ఐస్ స్కెటింగ్ చేసింది. ఆమె చేసిన నృత్యం గురించి మాటల్లో చెప్పడం కష్టమే, దీపికా నేలపై స్టెప్పులు వేయడానికి ఎంత కష్టపడిందో గాని ఆమెలా కాకుండా ఆ బీట్ కు సెట్ అయ్యేలా మయూరి బండారి అనే ఐస్ స్కెటర్ అద్భుతంగా తనదైన శైలిలో చేసింది.

అంతే కాకుండా రాజస్థాన్ లో ఈ సాంగ్ పై వివాదాలు చెలరేగుతుంటే.. ఒక రాజస్థానీ అమ్మాయిగా.. గూమార్ సాంగ్ ని చాలా గర్వంగా చేస్తున్నట్లు చెప్పింది. ఇక ఆమె సాంగ్ లో చేసిన స్కెటింగ్ గురించి ఎంత చెప్పినా తక్కువే. పట్టు జారితే ఎంత ప్రమాదం అనేలా ఒక్కో స్టెప్పుతో షాక్ ఇచ్చింది. ముఖ్యంగా సాంగ్ చివరలో ఫైనల్ టచ్ ఇచ్చిన విధానం సూపర్బ్. మొదటి నుంచి చివరి వరకు ఆ అమ్మాయి కనురెప్ప వేయనీయలేదు అంటే ఎంత అద్భుతంగా చేసిందో అర్ధం చేసుకోవచ్చు. రాణి సా.. వాటే పెర్ఫామెన్స్!!

Full View