'ఆచార్య' కోసం ఎదురు చూస్తున్న వారికి గుడ్‌ న్యూస్‌

మెగా స్టార్‌ చిరంజీవి ఆచార్య సినిమా అన్ని అనుకున్నట్లుగా జరిగి ఉంటే.. పరిస్థితులు అనుకూలించి ఉంటే ఇప్పటికే విడుదల అయ్యేది. కాని కరోనా సెకండ్‌ వేవ్‌ కారణంగా షూటింగ్ కూడా పూర్తి కాలేదు. గత ఏడాది కాలంగా వెయిట్‌ చేస్తున్న ఆచార్య సినిమా చిత్రీకరణ తుది దశకు చేరుకుంది. వారం రెండు వారాల్లో షూటింగ్‌ పూర్తి అవుతుంది అనగా కరోనా సెకండ్‌ వేవ్‌ మొదలయ్యింది. ఇప్పటికే ఈ సినిమా నుండి లాహె లాహె అంటూ ఒక మంచి పాటను విడుదల చేశారు. ఆ పాట సినిమాపై అంచనాలను మరింతగా పెంచింది. ఈ సెకండ్‌ వేవ్‌ వచ్చి ఉండకుంటే బ్యాక్ టు బ్యాక్ పాటలు విడుదల అయ్యి ఉండేవి. కాని విడుదల ఆలస్యం అవుతున్న కారణంగా పాటలను కూడా హోల్డ్‌ లో పెట్టారు.

ఎట్టకేలకు ఆచార్య రెండవ పాటకు సంబంధించిన అప్‌ డేట్‌ ను దర్శకుడు కొరటాల శివ ఇవ్వడం జరిగింది. ఆచార్య సినిమా షూటింగ్‌ ను పరిస్థితులు చక్కబడ్డ తర్వాత పునః ప్రారంభిస్తామంటూ ప్రకటించిన దర్శకుడు కొరటాల శివ సినిమా నుండి రెండవ పాటను అతి త్వరలోనే ప్రేక్షకుల ముందుకు తీసుకు రాబోతున్నట్లుగా ఒక చిట్‌ చాట్‌ లో తెలియజేశాడు. మణి శర్మ స్వరాలు అందించిన ఈ సినిమాలోని మొదటి పాట సూపర్‌ హిట్ అవ్వడంతో రెండవ పాట కోసం చాలా మంది ఆసక్తిగా ఎదురు చూస్తున్నారు.

మొదటి పాట టెంపుల్‌ సిటీలో కాస్త డెవోషనల్‌ టచ్ ఇచ్చారు. రెండవ పాట పూర్తి రొమాంటిక్ గా ఉంటుందని తెలుస్తోంది. రొమాంటిక్ మాస్ బిట్‌ తో ఆచార్య రాబోతున్నాడు. ఆ పాట తో సినిమాపై మాస్‌ ఆడియన్స్ కు మరింతగా పిచ్చెక్కడం ఖాయం అంటున్నారు. ఇప్పటికే మెగా అభిమానులతో పాటు అంతా కూడా ఆచార్య ఎప్పుడెప్పుడు వస్తాడా అంటూ ఎదురు చూస్తున్నారు. చరణ్‌ కూడా ఈ సినిమాలో నటించడం వల్ల అంచనాలు పీక్స్‌ లో ఉన్నాయి. పరిస్థితులు కుదుట పడితే ఈ ఏడాది చివరి వరకు అయినా ఆచార్య వచ్చేనో చూడాలి.