ఫస్ట్‌ లుక్‌: గోపి.. రెజీనా.. సౌఖ్యం

ఇంగ్లీషులో కంఫర్ట్‌ అంటాం. తెలుగులో అయితే సౌఖ్యం అనాలి. అందుకే ఇప్పుడు చాలా సౌఖ్యంగా వచ్చేస్తున్నాడు గోపిచంద్‌. ఈ యాక్షన్‌ హీరోకు ఈ మధ్యన హిట్టు రేషియో కాస్త తగ్గడంతో అప్పట్లో రొటీన్‌ అయినా కూడా లౌఖ్యం సినిమాను ఒప్పుకొని.. దానితో పెద్ద హిట్టే కొట్టాడు. కట్‌ చేస్తే.. జిల్‌ సినిమా హ్యాండిచ్చింది. అందుకే ఇప్పుడు తిరిగి ఓ రొటీన్‌ కమర్షియల్‌ మసాలా మూవీతో మళ్లొస్తున్నాడు.

అసలు 'యజ్ఞం' సినిమాతో తనను స్టార్‌ ను చేసిన దర్శకుడు ఏ.ఎస్‌.రవికుమార్‌ చౌదరి. కాకపోతే ఆ తరువాత ఇద్దరూ కలసి వర్కు చేయలేదు. అందుకే ఇప్పుడు 'పిల్లా నువ్వులేని జీవితం' సినిమాతో హిట్టు కొట్టి ఫామ్‌ లో ఉన్న డైరక్టర్‌ రవికుమార్‌ చౌదరితో గోపిచంద్‌ కూడా హిట్టు కొట్టాలని 'సౌఖ్యం'గా వస్తున్నాడు. ఈ సినిమా ఫస్టు లుక్‌ సింపుల్ గా ఉన్నా కూడా.. గోపిచంద్‌ అండ్‌ రెజీనా లుక్‌ మాత్రం చాలా కూల్‌ గా ఉంది. అరే.. మన తెలుగోళ్ళే అన్నచందాన కనిపిస్తోంది. మరోసారి సౌఖ్యంగా ఈ సినిమాతో గోపి పెద్ద హిట్టు కొట్టేస్తాడేమో చూడాలి.