హరిహర.. ఆగ్రా కోట అద్బుతం

పవన్‌ కళ్యాణ్‌ ప్రస్తుతం చేస్తున్న అయ్యప్పనుమ్‌ కోషియుమ్‌ రీమేక్ కంటే కూడా అధికంగా క్రిష్ దర్శకత్వంలో చేస్తున్న హరి హర వీరమల్లు సినిమా పై అంచనాలు భారీగా ఉన్నాయి. అంచనాలకు ఏమాత్రం తగ్గకుండా దర్శకుడు క్రిష్‌ భారీగా ఈ సినిమాను తెరకెక్కిస్తున్నాడు. దాదాపు 150 కోట్లతో ఈ సినిమాను రూపొందిస్తున్నట్లుగా సమాచారం అందుతోంది. ఈ సినిమా పీరియాడిక్ మూవీ అవ్వడంతో భారీ సెట్టింగ్ లు వేయిస్తున్నారు. ఛార్మినార్‌ సెట్‌ ను భారీగా ఈ సినిమా కోసం వేశారని ఇటీవలే వార్తలు వచ్చాయి.

ఈ సినిమాలో కేవలం ఛార్మినార్ సెట్‌ మాత్రమే కాకుండా ఇంకా పలు పెద్ద పెద్ద ఛారిత్రాత్మక రూపాలను రీ క్రియేట్‌ చేసి చూపించబోతున్నారు. అందులో భాగంగా ప్రస్తుతం ఈ సినిమా కోసం ఆగ్రా కోట సెట్టింగ్‌ వేయిస్తున్నారట. జులై నెలలో ఈ సినిమా షూటింగ్‌ అక్కడే జరుగుతుందని అంటున్నారు. సినిమాలోని కీలక సన్నివేశాలను అందులో చిత్రీకరించేందుకు గాను అన్ని విధాలుగా మెరుగులు దిద్దుతున్నారు. అద్బుతమైన ఆగ్రా కోట సినిమా లో ఛార్మినార్ సెట్‌ తరహాలో ప్రత్యేక ఆర్షణగా నిలుస్తుందని యూనిట్ సభ్యులు అంటున్నారు.

పవన్‌ కళ్యాణ్‌ ఇప్పటి వరకు ఎప్పుడు టచ్ చేయని జోనర్‌ ఇది. కనుక అభిమానులు క్రిష్‌ పై చాలా నమ్మకంతో ఎదురు చూస్తున్నారు. భారీ సెట్టింగ్స్ తో సినిమాను ఎక్కడికో తీసుకు వెళ్లే ప్రయత్నం చేస్తున్నాడు. క్రిష్‌ చేసిన ఇలాంటి ప్రయత్నాలు అన్ని కూడా మంచి విజయాలను సొంతం చేసుకున్నాయి. కనుక ఖచ్చితంగా ఈ సినిమా కూడా ఆకట్టుకుంటుందనే నమ్మకం వ్యక్తం అవుతోంది.