హిట్టు హిట్టుకు రేటు పెంచుతోందంతే

హెబ్బా పటేల్ ఇప్పుడు టాలీవుడ్ లో గోల్డెన్ లెగ్ అయిపోయింది. అమ్మడు నటించిన ప్రతీ సినిమా సూపర్ హిట్ అయిపోవడం బాగా కలిసొచ్చేస్తోంది. మొదట తెలుగులో రాహుల్ రవీంద్రన్ మూవీ 'అలా ఎలా'లో కనిపించగా.. ఆ మూవీ మంచి విజయం సాధించింది కానీ.. ఈమెకు గుర్తింపు రాలేదు.

ఆ తర్వాత సుకుమార్ రైటింగ్స్ లో రాజ్ తరుణ్ సరసన 'కుమారి 21ఎఫ్'.. హెబ్బా పటేల్ లైఫ్ ను మార్చేసింది. ఆ వెంటనే మరోసారి అదే కుర్రాడితో 'ఈడోరకం ఆడోరకం'  అంటూ మరో హిట్ కొట్టేయగా.. ఇప్పుడు నిఖిల్ కి జోడీగా నటించిన 'ఎక్కడికి పోతావు చిన్నవాడా' కూడా మంచి విజయం సాధిస్తోంది. ఇలా తను చేసిన సినిమాలన్నీ సక్సెస్ అవుతుండడం.. ఆఫర్ల వరద పెరిగిపోవడంతో.. పారితోషికం బాగా పెంచేసిందట. ఇప్పుడీమె దగ్గరకు వచ్చే నిర్మాతలకు..  60 లక్షలు అనే మాట వినిపిస్తోందట.

సక్సెస్ ఫుల్ హీరోయిన్ కి  ఈమాత్రం సహజగంనే గిడుతుంది కానీ.. ఇప్పటివరకూ ఈ కుమారి చిన్న హీరోల సరసన తప్ప.. పెద్ద సినిమాలు చేయలేదు. అయినా సరే.. అరకోటికి పైగా అడుగుతుండే సరికి నిర్మాతలకు గుండెల్లో రైళ్లు పరిగెడుతున్నాయి. అయితే.. లక్కీ లెగ్ అనే స్టాంప్ ముందు ఇవేమీ పని చేయక.. మళ్లీ కుమారి వైపే మొగ్గుతున్నారట నిర్మాతలు. సక్సెస్ వినకాలే ఆఫర్స్ ఉంటాయని అనడంలో సందేహం లేదు కదా!

Like Us on Facebook : https://www.facebook.com/Tupakidotcom/