పిజ్జా తింటూ.. వాళ్ళ ముద్దులాటలు

హైద్రాబాద్ లో లేట్ నైట్ పార్టీలు.. అడపా దడపా పబ్లిక్ లో ముద్దులాటలు వంటివి కామన్ అయిపోయాయి. కానీ ఫిలిం సెలబ్రిటీలు ఇలాంటి వాటిలో పబ్లిక్ గా దొరకడం మాత్రం రొటీన్ కాదు. రీసెంట్ గానే ఇలాంటిదే ఓ సంఘటన హైద్రాబాద్ జూబిలీ హిల్స్ లోని ఓ పిజ్జా సెంటర్ లో చోటు చేసుకుంది.

ఆ భామ చాలా కాలంగా సినిమాల్లో తంటాలు పడుతూ.. రీసెంట్ గా ఓ ప్రయోగాత్మక చిత్రం సాధించిన సక్సెస్ కారణంగా స్టార్ అయిపోయింది. అతనేమో పేరుమోసిన కుటుంబానికి చెందిన కుర్రాడు. ఇండస్ట్రీలో తన అదృష్టం పరీక్షించుకుంటున్నాడు. వీరిద్దరూ సడెన్ గా ఓ పిజ్జా సెంటర్ లో కనిపించారు. లేట్ నైట్ పిజ్జాలకు బాగా ఫేమస్ అయిన ఆ సెంటర్ లో.. ఓ కార్నర్ సీట్ లో కూర్చున్నారు వీరిద్దరూ. తమను ఎవరూ గుర్తు పట్టకుండా ఉండేందుకు చాలా జాగ్రత్తగా టోపీలతో మొహాలు కూడా కవర్ చేసేసుకున్నారు. కొసరి కొసరి పిజ్జా తినిపించుకుంటున్నారు. అక్కడి వరకూ బాగానే ఉంది కానీ.. వీరిద్దరూ ఆ తర్వాత ముద్దులు పెట్టుకోవడం మొదలుపెట్టేశారట. కొన్ని నిమిషాల పాటు అలా ముద్దులతోనే కాలం గడిపేయడంతో.. సడెన్ గా జనాల దృష్టి వీరి మీదకు మళ్లింది.

వీరిద్దరూ ప్రేమలో ఉన్నారేమో అని చాలామంది అనుకుంటున్నారు కానీ.. అసలు విషయం అంతదూరం వెళ్లే సీన్ ఉండదని ఓ టాక్ వినిపిస్తోంది. కష్టంతో ఎదగడం కంటే.. షార్ట్ కట్ లపై ఈ భామకు బాగా నమ్మకం అని చెబుతుంటారు ఇండస్ట్రీ జనాలు. మరి ఈ విషయం ఆ కుర్రాడికి తెలియదంటారా?