ప్రపోసల్ వీడియో షేర్ చేసిన హీరోయిన్..!

టాలీవుడ్ యంగ్ హీరోయిన్ మెహరీన్ పెళ్లి వార్తలు బయటపడినప్పటి నుండి కొన్నిరోజులుగా వార్తల్లో నిలుస్తున్న సంగతి తెలిసిందే. 'కృష్ణగాడి వీరప్రేమగాథ' మూవీతో తెలుగు అడుగుపెట్టిన మెహరీన్ ఆ సినిమా హిట్ అవ్వడంతో మంచి క్రేజ్ దక్కించుకుంది. అలా రెండుమూడేళ్లు సినిమాలతో బిజీగా మారిన మెహరీన్ పేరు గతేడాది కాలంగా అసలే వినిపించడం లేదు. 'ఎంతమంచివాడవురా' సినిమా ప్లాప్ తో కనిపించకుండా పోయింది. దాదాపు ఏడాది విరామం తర్వాత తెలుగులో ఎఫ్3 సినిమా చేస్తోంది. ప్రస్తుతం అమ్మడి పెళ్లి వార్తలు సోషల్ మీడియాలో వైరల్ అవుతున్నాయి. హర్యానాకు చెందిన యంగ్ పొలిటికల్ లీడర్ భవ్య బిష్ణోయిని మెహరీన్ పెళ్లి చేసుకోబోతుంది మెహరీన్. అయితే త్వరలోనే రెండు కుటుంబాల సమక్షంలో పెళ్లి చేసుకోబోతున్నారట.

ఇటీవల మార్చి 13న నిశ్చితార్థం చేసుకున్న ఈ కపుల్.. లవ్ ప్రపోసల్స్ విషయం కూడా సోషల్ మీడియాలో హల్చల్ చేస్తోంది. తాజాగా అసలు ఎలా ప్రొపోజ్ జరిగింది అనే విషయం చెప్పుకొచ్చింది. భవ్య పుట్టినరోజు సమయంలో అండమాన్ కు వెళ్ళాము. అక్కడ స్కూబా డైవింగ్ చేస్తున్నప్పుడు అండర్ వాటర్ లో బిష్ణోయ్ ప్రపోస్ చేసాడని తాజాగా అందుకు సంబంధించిన వీడియో షేర్ చేసింది. నీటిలో భవ్య దగ్గరకు వచ్చి తనకు.. "విల్ యూ మ్యారీ మీ..?"  అనే ప్రపోసల్ కార్డు చూపించి అండర్ వాటర్ లో రింగ్ తొడిగి లవ్ ప్రపోజ్ చేసినట్లు వీడియో చూస్తే తెలుస్తుంది. ఆ ప్రపోసల్ చాలా స్పెషల్ అంటోంది మెహరీన్. ఎంగేజ్మెంట్ వేడుక రాజస్థాన్ లోని జైపూర్ అలీలా కోటలో జరుపుకున్నారు. త్వరలో డెస్టినేషన్ వెడ్డింగ్ చేసుకోబోతున్నట్లు తెలిపింది వయ్యారి.