స్టైలిష్‌ స్టార్‌ రౌడీ స్టార్‌ మల్టీ స్టారర్‌ నిజమేనా?

టాలీవుడ్‌ ప్రేక్షకులకు మల్టీస్టారర్‌ అంటే ఎంత మోజో ప్రత్యేకంగా చెప్పనక్కర్లేదు. చిన్న హీరోలు లేదా పెద్ద హీరోలు అనే తేడా లేకుండా మల్టీ స్టారర్ అంటే చాలు ప్రేక్షకులు ఎంతో ఆసక్తిగా చూస్తున్నారు. అలాంటి ఇద్దరు స్టార్‌ హీరోలు అది కూడా యంగ్‌ స్టార్‌ హీరోలు యూత్‌ లో విపరీతమైన క్రేజ్ ఉన్న హీరోలు మల్టీ స్టారర్ చేస్తే ఏ రేంజ్ లో ఆ సినిమా ఉంటుందో ప్రత్యేకంగా చెప్పనక్కర్లేదు.

 త్వరలో ఆ కాంబో రాబోతున్నట్లుగా ఇండస్ట్రీ వర్గాల ద్వారా సమాచారం అందుతోంది. మీడియా వర్గాల ద్వారా అందుతున్న సమాచారం ప్రకారం స్టైలిష్‌ స్టార్‌ అల్లు అర్జున్‌ మరియు రౌడీ స్టార్‌ విజయ్‌ దేవరకొండలు కలిసి ఒక సినిమా చేయబోతున్నారట. అది కూడా రాబోయే సంవత్సరాల్లో కాదు. ఈ ఏడాదే వీరి కాంబో మూవీ పట్టాలెక్కబోతుంది అంటూ ప్రచారం జరుగుతోంది.

యాత్ర సినిమాతో విమర్శకుల ప్రశంసలు దక్కించుకున్న దర్శకుడు మహేష్‌ వి రాఘవ దర్శకత్వంలో ఈ మల్టీ స్టారర్‌ మూవీ నిర్మాణం జరుగబోతుందని అంటున్నారు. ఈ సినిమాను అల్లు అరవింద్ నిర్మించబోతున్నాడు. మరో ప్రముఖ నిర్మాణ సంస్థ కూడా ఈ సినిమా నిర్మాణంలో భాగస్వామ్యం కాబోతున్నట్లుగా మీడియా సర్కిల్స్ నుండి వార్తలు వస్తున్నాయి. ఒక విభిన్నమైన నేపథ్యంలో భారీ బడ్జెట్‌ తో ఈ సినిమాను నిర్మిస్తున్నారట.

ఈ వార్త నిజమే అయితే అభిమానుల ఆనందంకు హద్దులు ఉండవు అనడంలో సందేహం లేదు. ఇద్దరు స్టార్ హీరోలు అది కూడా యూత్ ఐకాన్స్ గా గుర్తింపు ఉన్న వారు సినిమా చేస్తే ఏమైనా ఉందా.. బాక్స్ లు బద్దలవ్వడం ఖాయం అంటూ ఇప్పటి నుండే ఇద్దరు హీరోల అభిమానులు ఆనందంగా ఎదురు చూస్తున్నారు.