జానీకి పవన్ కి గ్రీన్ సిగ్నల్

పవర్ స్టార్ పవన్ కళ్యాణ్ ఓ మూవీ యాక్సెప్ట్ చేశాడంటేనే సంచలనం. అలాంటిది దిగ్గజ దర్శకుడు దాసరి నారాయణరావుతో.. పవన్ సినిమా చేస్తానని చెప్పిన వెంటనే.. అదో సెన్సేషనల్ న్యూస్ అయిపోయింది. అయితే.. 2015 ప్రారంభంలో ఈ ప్రాజెక్ట్ సంగతి ప్రకటించినా.. ఇప్పుడు 2016 వచ్చినా పెద్దగా పనులు తెమలలేదు. పవన్ ఇంకా సర్దార్ గబ్బర్ సింగ్ షూటింగ్ లోనే ఉన్నాడు.

ఈ లోగా.. పవన్-దాసరిల మూవీని ఎవరు డైరెక్ట్ చేస్తారనే అంశంపై చాలానే న్యూస్ హల్ చల్ చేశాయి. మొదట దాసరే డైరెక్ట్ చేయాలని పవన్ సూచించాడని అన్నారు. అయితే.. దాసరి మాత్రం డాలీవైపు మొగ్గాడని తర్వాత చెప్పుకొచ్చారు. తర్వాత సీన్ లో సంపత్ నంది ఎంటర్ అయ్యాడు. గబ్బర్ సింగ్ సీక్వెల్ కోసం పవన్ తో రెండేళ్లు జర్నీ చేసి బయటకొచ్చాడు. బెంగాల్ టైగర్ తో మాస్ రచ్చ చేసి సక్సెస్ కావడంతో., మళ్లీ సంపత్ నందికి ఆఫర్ ఫిక్స్ అయిందనే వార్తలొచ్చాయి. కానీ జస్ట్ న్యూ ఇయర్ కి ముందు రోజు మరో హాట్ న్యూస్ హల్ చల్ చేస్తోంది.

పవన్-దాసరి కాంబినేషన్ లో రానున్న సినిమాకి దర్శకుడిగా కొరియోగ్రాఫర్ జానీ మాస్టర్ ను ఫైనల్ చేశారన్నది లేటెస్ట్ టాక్. ఈ డ్యాన్స్ మాస్టర్ ఇప్పటికే దాసరికి ఓ పవర్ ఫుల్ స్టోరీ చెప్పగా.. ఆయన ఓకే చేశాడని తెలుస్తోంది. అంటే.. ఇక బ్యాలెన్స్ పవన్ నుంచి గ్రీన్ సిగ్నల్ రావడమే. ఒకవేళ ఈ కాంబినేషన్ గానీ సెట్ అయిందంటే.. ప్రభుదేవా - లారెన్స్ ల తర్వాత డ్యాన్స్ డైరెక్టర్ గా మారుతున్న మరో కొరియోగ్రాఫర్ అవుతాడు. బెస్టాఫ్ లక్ జానీ మాస్టర్.