పటేల్ సార్ గా ట్రెండ్ సృష్టిస్తాడా!!

ఇంకా హీరోగానే చేస్తా అని అక్కడే ఆగిపోయింటే ఎలాంటి రోల్స్ చేసేవాడో గానీ.. సెకండ్ ఇన్నింగ్స్ లో మాత్రం అదరగొట్టేస్తున్నాడు హీరో టర్న్డ్ మల్టీ టాలెంటెడ్ ఆర్టిస్ట్ జగపతిబాబు. ఓ వైపు క్లాసీ విలనీ.. మరోవైపు లైఫ్ ఉన్న కేరెక్టర్స్ ఇలా రోల్ ఏదైనా బిగ్ బడ్జెట్ మూవీస్ లో జగపతిబాబు అప్పీరియన్స్ మాత్రం ఇప్పుడు కామనైపోయింది. నిజం చెప్పాలంటే జగ్గూ లేకుండా ఎవరూ మూవీ తీయట్లేదు అసలు.

లెజెండ్ దగ్గర్నుంచి నాన్నకు ప్రేమతో వరకు తెలుగు.. పులి మురుగన్ అంటూ మలయాళంలో బ్లాక్ బస్టర్స్ మూవీలో కీ రోల్ ప్లే చేసిన జగపతిబాబు.. విజయ్ మచ్ అవెయిటెడ్ మూవీ భైరవలో తమిళ్ లోనూ విలన్ గా చేస్తున్నాడు. ఓవరాల్ గా సౌతిండియాని చుట్టేస్తోన్న జగపతిబాబు ఇప్పుడు మరో ఎక్స్ పర్మెంట్ చేయబోతున్నాడు. త్వరలో సెట్స్ మీదకెళ్లనున్న ఓ మూవీలో 60 ఏళ్ల ముసలి పాత్రలో కనిపించబోతున్నాడు.

ఓ బ్లైండ్ గర్ల్- 60 ఏళ్ల వ్యక్తి చుట్టూ కథతో తీయబోతున్న సినిమాకి పటేల్ సార్ అని పేరు పెట్టారు. వయసుకి మించిన పాత్ర చేయడమే కాదు.. బాడీని కూడా అలా మార్చుకోడానికి ట్రై చేస్తున్నాడట. ఫ్యామిలీ హీరో ఇమేజ్ లో జగ్గూ బాడీ పెద్ద హైలెట్ కాలేదు కానీ నిజానికి టాలీవుడ్లో ఫిట్ బాడీ ఉన్న హీరోల్లో జగపతి బాబు ముందుంటాడు. ఇప్పుడు సిక్ట్సీ ఇయర్స్ ఓల్డ్ మ్యాన్ లా కనిపించడానికి ఆ ఫిట్నెస్ ని పక్కనపెట్టడానికి రెడీ అవుతున్నాడు. సో బ్రేక్ కే బాద్ కెరీర్ పరంగా దూసుకెళ్లడమే కాదు.. పాత్రల ఎంపికలోనూ వైవిధ్యం చూపిస్తోన్న జగపతిబాబు పటేల్ సార్ తో మరో ట్రెండ్ సృష్టిస్తాడేమో చూడాలి.