ఫోటో స్టోరి: మాల్దీవుల్లో న‌ట‌వార‌సురాలి మ‌సాక్క‌లీ

అతిలోక సుంద‌రి శ్రీ‌దేవి న‌ట‌వార‌సురాలు జాన్వీ క‌పూర్ ఇప్ప‌టికే బాలీవుడ్ లో స్టార్ గా వెలిగిపోతోంది. త‌దుప‌రి త‌న సోద‌రి ఖుషీ కపూర్ ని జాన్వీ క‌థానాయిక‌గా చూడాల‌నుకుంటోంది. పాపా బోనీక‌పూర్ అందుకు పూర్తి స‌న్నాహ‌కాల్లో ఉన్నారు. జాన్వీని లాంచ్ చేసిన క‌రణ్ జోహార్ తొంద‌ర్లోనే ఖుషీ క‌పూర్ లాంచింగ్ మూవీని తెర‌కెక్కించ‌నున్నార‌న్న క‌బురు అందింది.

ప్ర‌స్తుతం ఖుషీ అమెరికాలో న‌ట‌శిక్ష‌ణ తీసుకుంటోంది. ఆ క్ర‌మంలోనే అమెరికా లాస్ ఏంజిల్స్ లో త‌న సోద‌రి ఖుషీ క‌పూర్ తో కొంత స‌మ‌యం గ‌డిపిన‌ జాన్వి కపూర్ తదుపరి హాలిడే గమ్యం మాల్దీవులు అని ప్ర‌క‌టించింది. ఇది  చాలా మంది బాలీవుడ్ స్టార్ల‌కు హాట్ ఫేవరెట్ ప్లేస్.

ఇప్ప‌టికే ప‌లువురు సౌత్ స్టార్లు విజిట్ చేసిన సుంద‌ర‌మైన ప్లేస్ ఇది. మొన్న‌టివ‌ర‌కూ టాలీవుడ్ స్టార్ బ‌న్ని - స్నేహా బృందం మాల్దీవుల యాత్ర‌లో ఎంజాయ్ చేసిన సంగ‌తి తెలిసిందే. ఇప్పుడు జాన్వీ కూడా మాల్దీవుల్లో చిలౌట్ కి చేరుకుంది. అక్క‌డి నుంచి నేరుగా త‌న సెలబ్రేష‌న్స్ కి సంబంధించిన ఫోటోల్ని షేర్ చేయ‌గా అవి వైర‌ల్ గా మారుతున్నాయి. మాల్దీవుల్లో అండ‌ర్ వాట‌ర్ డైవ్ స‌హా మ‌ర‌బోట్ ప్ర‌యాణానికి సంబంధించిన ఫోటోల్ని జాన్వీ షేర్ చేయ‌గా అవి వ‌ర‌ల్ గా మారాయి. ``మాల్దీవుల విహారంలో చివ‌రిగా చేరాను. కానీ నేను పూర్తిగా హైప్ ని పొందాను`` అన్న వ్యాఖ్య‌ను జాన్వీ జోడించింది. ఈ ఫోటోల్లో జాన్వి కపూర్ మాల్దీవులను చాలా అందంగా ఆవిష్క‌రిస్తున్నారన్న వ్యాఖ్య‌లు క‌నిపిస్తున్నాయి.

గత సంవత్సరం స్ట్రీమింగ్ ప్లాట్ ఫామ్ నెట్ ‌ఫ్లిక్స్ ‌లో విడుదలైన గుంజన్ సక్సేనా: ది కార్గిల్ గర్ల్ లో జాన్వి కపూర్ కనిపించారు. ఈ సంవత్సరం ఆమె హర్రర్ కామెడీ రూహిలో క‌నిపించింది. రాజ్ కుమార్ రావు- వరుణ్ శర్మ సరసన నటించింది. ఇషాన్ ఖట్టర్ సరసన జాన్వి కపూర్ 2018 చిత్రం ధడక్ చిత్రంతో బాలీవుడ్ లోకి అడుగు పెట్టాడు. నెట్ ‌ఫ్లిక్స్ యొక్క ఘోస్ట్ స్టోరీస్ లోనూ ఒక నాయిక‌. త‌దుప‌రి లైనప్ ‌లో కార్తీక్ ఆర్యన్ కలిసి నటించిన రొమాంటిక్ కామెడీ `దోస్తానా 2` రిలీజ్ కావాల్సి ఉంది. గుడ్ లక్ జెర్రీలో కూడా కనిపిస్తుంది.