యంగ్ టైగర్ నెక్స్ట్ ఫిలిం వచ్చే సంక్రాంతి కి ఫిక్స్?

ప్రేక్షకులు ఎంతగానో ఎదురుచూసిన సంక్రాంతి సినిమాలు రిలీజ్ అయ్యాయి. రిజల్ట్ కూడా దాదాపుగా తెలిసిపోయింది. ఈ సంక్రాంతి సీజన్లో అల్లు అర్జున్ 'అల వైకుంఠపురములో' అందరి మెప్పు పొంది విజేతగా నిలిచింది. ఈ సినిమాతో అల్లు అర్జున్ కు భారీ హిట్ ఇచ్చిన త్రివిక్రమ్ శ్రీనివాస్ మరోసారి క్రేజీ డైరెక్టర్ గా మారిపోయారు. త్రివిక్రమ్ గతంలో భారీ హిట్లు అందించినప్పటికీ పవన్ కళ్యాణ్ 'అజ్ఞాతవాసి' ఆయన ఇమేజ్ ను భారీగా దెబ్బ తీసింది. 'అరవింద సమేత' తో కొంతవరకూ ఫామ్ లోకి వచ్చినా మునుపటి స్థాయి అందుకోలేదని కామెంట్లు వినిపించాయి. అయితే 'అల వైకుంఠపురము లో' సక్సెస్ తో త్రివిక్రమ్ మరో సారి తన సత్తా చాటారు.

ఈ విజయంతో త్రివిక్రమ్ నెక్స్ట్ సినిమాపై ప్రేక్షకుల్లో ఆసక్తి పెరిగింది. త్రివిక్రమ్ నెక్స్ట్ సినిమా 'అల వైకుంఠపురములో' విడుదలకు ముందే ఫిక్స్ అయిన సంగతి తెలిసిందే. యంగ్ టైగర్ ఎన్టీఆర్ తో త్రివిక్రమ్ కాంబినేషన్ లో ఈ సినిమా తెరకెక్కనుంది. త్రివిక్రమ్ - ఎన్టీఆర్ మొదటిసారి 'అరవింద సమేత' చిత్రానికి కలిసి పని చేశారు. ఈ కొత్త ప్రాజెక్ట్ వారి కాంబినేషన్ లో రెండో సినిమా కానుంది. ఎన్టీఆర్ ప్రస్తుతం రాజమౌళి దర్శకత్వంలో తెరకెక్కుతున్న 'RRR' లో నటిస్తున్నారు. ఈ సినిమా షూటింగ్ ప్రస్తుతం చివరి దశలో ఉంది. 'RRR' షూటింగ్ పూర్తి చేసిన తర్వాత ఎన్టీఆర్ వెంటనే త్రివిక్రమ్ సినిమా కు డేట్స్ ఇస్తారని సమచారం.

ఈ సినిమాను హారిక హాసిని క్రియేషన్స్.. ఎన్టీఆర్ ఆర్ట్స్ బ్యానర్లు సంయుక్తంగా నిర్మిస్తాయని.. 2021 సంక్రాంతి కి ఈ సినిమాను బరిలో నిలిపే ఆలోచనలో ఉన్నారని అంటున్నారు. ఈ సినిమా త్రివిక్రమ్ మార్క్ ఫ్యామిలీ ఎంటర్టైనర్ గా ఉండబోతోందట.