కుమారికి జూనియర్‌ డేట్‌ ఇచ్చాడుగా..

టాలీవుడ్ హీరోలంతా మ‌న‌సున్న మారాజాలు. అందులోనూ ఎన్టీఆర్ మ‌న‌సు వెన్న లాంటిద‌ని చెబుతుంటారు. అందుకు ప్రూఫ్ లు కూడా బోలెడ‌న్ని ఉన్నాయి. త‌న వ్య‌క్తిగ‌త స్టాఫ్‌ ని కంటికి రెప్ప‌లా చూసుకుంటాడ‌న్న పేరుంది. అభిమానుల‌కు ఏ క‌ష్టం వ‌చ్చినా ఆప‌ద‌లో నేనున్నానంటూ సాయం చేస్తుంటాడు. ఆర్థిక‌ప‌ర‌మైన సాయం కూడా అందించి ప‌లుమార్లు టాక్ ఆఫ్ ది టౌన్ అయ్యాడు. అంతేకాదు త‌న ద‌ర్శ‌కులు ఫ్లాపుల్లో ఉన్నా మ‌రో ఛాన్స్ ఇచ్చి ఎంక‌రేజ్ చేసిన ధీరోదాత్తుడు ఎన్టీఆర్‌.

లేటెస్టుగా అత‌డు త‌న డైరెక్ట‌ర సుకుమార్ ప్రొడ‌క్ష‌న్ పెద్ద స‌క్సెసవ్వాల‌ని భావిస్తున్నాడు. అందుకోసం త‌న వంత సాయం చేస్తున్నాడు. సుకుమార్ రైటింగ్స్‌ లో సుక్కూ కుమారి 21 ఎఫ్ చిత్రాన్ని నిర్మిస్తున్నాడు. ఈ చిత్రానికి సూర్య‌ప్ర‌తాప్ ద‌ర్శ‌క‌త్వం వ‌హిస్తున్నాడు. ఇప్ప‌టికే ఫ‌స్ట్‌ లుక్ జ‌నాల్ని ఆక‌ట్టుకుంది. త్వ‌ర‌లోనే టీజ‌ర్ రిలీజ్ చేస్తున్నారు. గాంధీ జ‌యంతి కానుక‌గా 2 అక్టోబ‌ర్ 3.30కి టీజ‌ర్ రిలీజ్ చేస్తున్నాడు ఎన్టీఆర్‌. అప్ప‌ట్లో సాంగ్ రిలీజ్ ఎన్టీఆర్ చేస్తాడ‌ని చెప్పుకున్నా.. ఇప్పుడు టీజ‌ర్ రిలీజ్ ఉంటుంద‌ని క‌న్ఫ‌మ్ చేశారు.

త‌న‌వారి మేలు కోరి ఇలా కుమారి సినిమా ప్ర‌మోష‌న్‌కి వ‌స్తున్నందుకు ఎన్టీఆర్‌ కి హ్యాట్సాఫ్ చెప్పాల్సిందే. త్వ‌ర‌లోనే ఎన్టీఆర్ బ్యాన‌ర్‌ లో సినిమాలు మొద‌ల‌వుతాయ‌న్న వార్త కూడా ఉంది. అప్పుడు సుక్కూ కూడా సినిమా చేసి పెడ‌తాడేమో చూడాలి.