ట్రైల‌ర్ టాక్ః హృతిక్ పెద్ద షాకిచ్చాడు

హృతిక్ రోష‌న్ పెద్ద షాకే ఇచ్చాడు. కొన్నాళ్లుగా అత్యంత ఆస‌క్తి రేకెత్తిస్తున్న కొత్త సినిమా ‘కాబిల్‌’లో అత‌ను అంధుడి పాత్ర పోషిస్తున్నాడు. అత‌నే కాదు.. ఇందులో క‌థానాయిక‌గా న‌టిస్తున్న యామి గౌత‌మ్ కూడా అంధురాలి పాత్ర‌నే పోషిస్తోంది. ది మైండ్ సీస్ ఆల్.. అనే క్యాప్ష‌న్ ఎందుకు పెట్టారో ట్రైల‌ర్ చూస్తే అర్థ‌మైంది.

హృతిక్ ఒక అంధుడు.. యామి ఒక అంధురాలు.. ఇద్ద‌రూ ప్రేమ‌లో ప‌డ‌తారు. హ్యాపీగా జీవితాన్ని గ‌డిపేస్తుండ‌గా.. వాళ్ల జీవితాల్లో అనుకోని అవాంతరం ఎదుర‌వుతుంది. యామిని ఎవ‌రో ఎత్తుకుపోతారు. హృతిక్ జీవితం అల్ల‌క‌ల్లోలం అయిపోతుంది. ఆ స్థితిలో అంధుడైన‌ప్ప‌టికీ ఎలా పోరాడాడు.. త‌న స‌మ‌స్య‌ల్ని త‌నే ఎలా ప‌రిష్క‌రించుకున్నాడు అన్న‌ది ‘కాబిల్’ క‌థ. సినిమాలో ఉన్న ఇంటెన్సిటీ అంతా ట్రైలర్లో క‌నిపిస్తోంది. హృతిక్-యామి జంట చూడముచ్చ‌ట‌గా ఉంది. హృతిక్ మరోసారి త‌న యాక్టింగ్ టాలెంట్ చూపించేలా ఉన్నాడు.

కాంటే.. షూటౌట్ అట్ వాదాలా.. జాజ్బా లాంటి సినిమాలు తీసిన సుజ‌య్ ఘోష్ ఈ చిత్రానికి ద‌ర్శ‌క‌త్వం వ‌హిస్తున్నాడు. హృతిక్ రోషన్ తండ్రి రాకేష్ రోషనే ఈ చిత్రాన్ని నిర్మించాడు. జనవరి 26న ఈ చిత్రం ప్రేక్షకుల ముందుకొస్తుంది. ఈ చిత్రాన్ని తెలుగులో ‘బ‌లం’ పేరుతో రిలీజ్ చేయ‌బోతున్నారు. ‘మొహెంజదారో’ కోసం పడ్డ కష్టమంతా వృథా కావడంతో హృతిక్ తీవ్ర నిరాశలో ఉన్నాడు. అతడికి ‘కాబిల్‌’ సక్సెస్ అందిస్తుందేమో చూద్దాం.
Full View


Like Us on Facebook : https://www.facebook.com/Tupakidotcom/