టాలీవుడ్ చందమామ కాజల్ అగర్వాల్ కి గతేడాది ఏ మాత్రం కాలం కలిసి రాలేదు. రెండు భారీ సినిమాల్లో హీరోయిన్ గా నటిస్తే.. రెండూ డిజాస్టర్స్ గా నిలిచి.. కాజల్ ని నిరుత్సాహపరిచాయి. పవన్ కళ్యాణ్ తో చేసిన సర్దార్ గబ్బర్ సింగ్.. మహేష్ బాబుతో బ్రహ్మోత్సవం.. గతేడాది సమ్మర్ లో అమ్మడికి కోలుకోలేని షాక్ ని ఇచ్చాయి. హిందీలో దో లఫ్జోం కీ కహానీ అంటూ ట్రై చేస్తే.. అది కూడా డిజాస్టరే. తమిళ్ లో జీవాతో కలిసి కావలై వేందాంలో కనిపించినా.. అది కూడా నిరుత్సాహపరిచింది.
ఎన్టీఆర్ తో కలిసి జనతా గ్యారేజ్ లో నటించినా.. అది కేవలం ఐటెం సాంగ్ కావడంతో ఆ హిట్టు కాజల్ ఖాతాలో పడలేదు. ఇలాంటి సమయంలో సీనియర్ హీరో మెగాస్టార్ చిరంజీవితో సినిమా యాక్సెప్ట్ చేయడం.. అందరూ రిస్క్ అనేశారు. అయినా సరే ధైర్యంగా ఖైదీ నంబర్ 150లో నటించి.. బ్లాక్ బస్టర్ కొట్టేసింది ఈ భామ. సినిమాలో స్క్రీన్ ప్రెజెన్స్ తక్కువగా ఉన్నా.. కనిపించిన సీన్స్ వరకూ అమ్మడి యాక్టింగ్ కి అభిమానులు ఫిదా అయిపోయారు.
యాక్టింగ్ లో తన ట్యాలెంట్ ను.. సినిమాల ఎంపికలో తన క్రియేటివిటీని చూపించిన చందమామ అకౌంట్ లో ఇండస్ట్రీ హిట్ పడ్డం ఖాయంగా కనిపిస్తోంది. టాలీవుడ్ లో టాప్ స్టార్ రేస్ లో ఉన్న పవన్ కళ్యాణ్.. మహేష్ బాబులు ఇవ్వలేని విజయాన్ని.. మెగాస్టార్ రీఎంట్రీలో ఇవ్వడం విశేషం.
Like Us on Facebook : https://www.facebook.com/Tupakidotcom/