టాలీవుడ్ చందమామ కాజల్ అగర్వాల్.. కెరీర్ లోనే పీక్ స్టేజ్ లో ఉంది. మెగాస్టార్ తో ఖైదీ నంబర్ 150 మూవీ చేసి మళ్లీ తన స్థానాన్ని దక్కించుకున్న కాజల్.. ఇప్పుడు తన 50వ సినిమాలో నటించేస్తోంది. మూడు నాలుగేళ్లకే హీరోయిన్ల తరం మారుతున్న తరుణంలో.. ఓ హీరోయిన్ 50 సినిమాలు చేయడం అన్నది నిజంగా విశేషమే.
తేజ దర్శకత్వంలో దగ్గుబాటి రానా హీరోగా నటించిన నేనే రాజు నేనే మంత్రి మూవీతో 50 సినిమాలను పూర్తి చేసుకుంటున్న కాజల్.. తనలోని కొత్త యాంగిల్ ని చూపిస్తానని అంటోంది. ఇప్పటివరకూ ఈమెకు అనేక సినిమాల్లో గ్లామర్ డాల్ పాత్రలతో పాటు.. పలు చిత్రాల్లో పెర్ఫామెన్స్ ఓరియెంటెడ్ పాత్రలు కూడా దక్కుతాయి. పాత్ర ఏదయినా మెప్పించేసిన కాజల్ అగర్వాల్.. ఇప్పుడు తన కెరీర్ లో ప్రయోగాలు చేసే టైం వచ్చేసిందని ఫిక్స్ అయిపోయింది. ఇప్పటివరకూ తనకు ఫుల్ లెంగ్త్ కామెడీ రోల్ ఎవరూ ఆఫర్ చేయలేదని.. అందుకే తనలోని ఆ యాంగిల్ ఎవరికీ తెలియదని చెబుతోంది చందమామ.
'నాతో కామెడీ సినిమా చేసే ఫిలిం మేకర్స్ కోసం చూస్తున్నాను. నాలో ఉన్న ఫన్నీ యాంగిల్ ని త్వరలో ప్రపంచానికి చూపించాలని భావిస్తున్నా' అంటూ తన మనసులో కోరిక చెప్పేసింది కాజల్ అగర్వాల్. మరి చందమామ ఇంత ఓపెన్ గా తన కోరిక చెప్పేయగా.. ఆమె కోరికను తీర్చే ఫిలిం మేకర్ ఎవరో చూడాలి.
Like Us on Facebook : https://www.facebook.com/Tupakidotcom/