తొలి హీరోతో కలసిపోయింది

మొదటి బడి - మొదటి పాఠం ఎవ్వరికైనా గుర్తుండిపోయే అనుభూతులే. అలాగే సినీ నటులకు మొదటి సినిమా మొదటి దర్శకుడు మరిచిపోలేని గురుతులే. దశాబ్ద కాలం తర్వాత మళ్లీ వాళ్లతో పని చేయడం కచ్చితంగా ఎంతో కొంత ఆనందం కలిగించక మానదు. ఈ అవకాశం టాలీవుడ్ చందమామ కాజల్ కు వచ్చింది. లక్ష్మీ కళ్యాణం సినిమాతో తెలుగులో అడుగుపెట్టిన కాజల్ కొద్ది కాలంలోనే టాప్ హీరోయిన్ లీగ్ లో చేరిపోయింది. ఏ దశలోనూ వెనక్కి తిరిగి చూసుకోవాల్సిన అవసరం రాలేదు. ఇప్పటికీ అవకాశాలు ఆమెను వెతుక్కుంటూనే వస్తున్నాయి.

రీసెంట్ గా మెగాస్టార్ చిరంజీవితో జతకట్టి ఖైదీ నెంబర్ 150 హిట్ ను ఖాతాలో వేసుకున్న కాజల్ ప్రస్తుతం మరో రెండు సినిమాల్లో హీరోయిన్ గా నటిస్తోంది. ఈ రెండూ కాజల్ కు ఒకరకంగా స్పెషలనే చెప్పాలి. లక్ష్మీకళ్యాణం సినిమాతో ఆమెకు హీరోయిన్ గా ఫస్ట్ ఛాన్సిచ్చిన దర్శకుడు తేజ డైరెక్షన్ లో రానా హీరోగా ‘నేనే రాజు.. నేనే మంత్రి’ సినిమా చేస్తోంది. ఇదే సమయంలో కాజల్ తొలి హీరో అయిన నందమూరి కళ్యాణ్ రామ్ తాజా సినిమా ఎంఎల్ఏ సినిమాలోనూ హీరోయిన్ గా నటిస్తోంది. అంటే తన తొలి డైరెక్టర్ అండ్ హీరోలతో ఒకే టైంలో వేర్వేరు సినిమాలు చేస్తోంది. ప్రస్తుతం కళ్యాణ్ రామ్ సినిమా షూటింగ్ లో కాజల్ జాయినైంది.

ఎంఎల్ ఏ సినిమా బ్లూ ప్లానెట్ అండ్ పీపుల్ మీడియా ఫ్యాక్టరీ బ్యానర్ పై నిర్మిస్తున్నారు. ఈ సినిమాకు ఉపేంద్ర మాధవ్ దర్శకుడిగా టాలీవుడ్ కు పరిచయం అవుతున్నారు.  ఎంఎల్ఏ అంటే పొలిటికల్ లీడర్ కాదు మంచి లక్షణాలున్న అబ్బాయి అని ఇప్పటికే క్లారిటీ ఇచ్చేశారు.

Like Us on Facebook : https://www.facebook.com/Tupakidotcom/