నందమూరి ఎంఎల్‌ ఏ బాగున్నాడుగా

నందమూరి ఫ్యామిలీ హీరో కళ్యాణ్ రామ్ యాక్షన్ సినిమాలకు కేరాఫ్ అడ్రస్ గా ఉంటాడు. అతనొక్కడే అంటూ బ్లాక్  బస్టర్ కొట్టిన తర్వాత.. కొన్ని సినిమాలు నిరుత్సాహపరిచినా.. పటాస్ తో మళ్లీ ఫామ్ లోకి వచ్చాడు. తర్వాత నిర్మాతగా ఎదురుదెబ్బ తిన్న నందమూరి హీరో.. ప్రస్తుతం జూనియర్ ఎన్టీఆర్ తో జై లవ కుశ నిర్మిస్తున్నాడు.

మరో వైపు తను హీరోగా ఎంఎంల్ ఏ అనే చిత్రాన్ని కూడా స్టార్ట్ చేసేస్తున్నాడు కళ్యాణ్ రామ్. ప్రతీ చిత్రానికి వేరియేషన్ చూపించేందుకు తాపత్రయపడే కళ్యాణ్ రామ్.. ఎంఎల్ఏ పాత్ర కోసం కొత్త లుక్ లో సిద్ధమైపోయాడు. ఇజంలోనే కండలు తిరిగిన దేహాన్ని చూపించిన కళ్యాణ్ రామ్.. ఇప్పుడు తన లుక్ ను మరింతగా మార్చేసుకున్నాడు. కళ్యాణ్ రామ్ రీసెంట్ లుక్ చూస్తే.. జిమ్ లో ఎన్నేసి గంటలు గడుపుతున్నాడో.. ఎంతగా వర్కవుట్స్ చేస్తున్నాడో అర్ధమైపోతుంది.

పొలిటికల్ బ్యాక్ డ్రాప్ తో తెరకెక్కనున్న ఈ చిత్రంలో టాలీవుడ్ చందమామ కాజల్ అగర్వాల్ హీరోయిన్ గా నటిస్తోంది. పదేళ్ల తర్వాత కళ్యాణ్ రామ్-కాజల్ కాంబినేషన్ సెట్ కావడం విశేషం. గతంలో శ్రీను వైట్ల దగ్గర వర్క్ చేసిన ఉపేంద్ర మాధవ్.. ఎంఎల్ ఏతో దర్శకుడిగా పరిచయం అవుతున్నాడు.

Like Us on Facebook : https://www.facebook.com/Tupakidotcom/