అమ్మడు.. ఇది చిరు కుమ్ముడు

మెగాస్టార్ కం బ్యాక్ మూవీ ఖైదీ నంబర్ 150 లో మాస్ ఎలిమెంట్స్ మహా రంజుగా ఉంటాయని ఇప్పటికే చెప్పేశారు. మాస్ డైరెక్టర్ వివి వినాయక్ ను తీసుకోవడంతోనే ఈ విషయంలో బోలెడంత క్లారిటీ వచ్చేసింది. మరోవైపు రాక్ స్టార్ దేవిశ్రీ ప్రసాద్ మ్యూజిక్.. మెగా 150కి సిసలైన స్పెషల్ అట్రాక్షన్ కానుంది.

మరి మాస్ హీరో మెగాస్టార్ మాస్ రచ్చ చేసేయాలని డిసైడ్ అయితే ఎలా ఉంటుందో పూర్తిగా తెలియాలంటే ఇంకా దాదాపు నెల రోజుల టైమ్ ఉంది కానీ.. ఈలోగా ఓ శాంపిల్ వదలదలచుకుంది ఖైదీ యూనిట్. ప్రమోషన్స్ విషయంలో అగ్రెసివ్ గా ఖైదీ టైం.. డిసెంబర్ 18న ఓ సాంగ్ ను రిలీజ్ చేయనున్నట్లు ప్రకటించింది. ఆడియో రిలీజ్ ఫంక్షన్ కి వారం ముందే ఓ శాంపిల్ ఇవ్వబోతున్నారన్న మాట. 'అమ్మడు.. లెట్స్ డు కుమ్ముడు' అంటూ సాగే సింగిల్ ని రేపు రిలీజ్ చేయనున్నట్లు పోస్టర్ విడుదల చేశారు.

మెగాస్టార్ మాస్ డ్యాన్స్ వేస్తున్న ఓ స్టిల్ ఈ పోస్టర్ లో కనిపిస్తుంది. పర్పుల్ టీషర్ట్ పైన రెడ్ కలర్ షర్ట్.. కలర్ ఫుల్ గ్లాసెస్.. రగ్గెడ్ జీన్స్.. పైన కట్టిన పచ్చ లుంగీతో చిరు మెలికలు తిరుగుతున్న పోస్టర్ చూస్తుంటే.. మెగా ఫ్యాన్స్ కి మైకం వచ్చేస్తోంది. మరి రేపు రిలీజ్ కాబోయే సింగిల్ లో చిరు స్టెప్ కనుక చూపించారంటే.. ఇక యూట్యూబ్ లో రచ్చ రచ్చే. ఖైదీ నెంబర్ 150 టీజర్ రిలీజ్ టైమ్ లో మాదిరిగా మరోసారి.. యూట్యూబ్ కౌంటింగ్ కేపబిలిటీ బ్లాక్ అయిపోవాల్సిందే.

Like Us on Facebook : https://www.facebook.com/Tupakidotcom/