ఘాట్‌ లిప్‌ లాక్‌ సీన్స్‌ సింపుల్‌ గా చేశారట

టాలీవుడ్‌ లో వచ్చిన సెన్షేషనల్‌ మూవీ 'అర్జున్‌ రెడ్డి' హిందీలో కబీర్‌ సింగ్‌ గా రీమేక్‌ అయిన విషయం తెల్సిందే. త్వరలో ప్రేక్షకుల ముందుకు రాబోతున్న కబీర్‌ సింగ్‌ చిత్రంలో అర్జున్‌ రెడ్డి చిత్రాన్ని మించేలా ముద్దు సీన్స్‌ ఉన్నాయంటూ సినీ వర్గాల ద్వారా తెలుస్తోంది. టాలీవుడ్‌ లో ముద్దు సీన్స్‌ కు కాస్త పరిమితులు ఉంటాయి. వాటిని క్రాస్‌ చేసి మరీ ముద్దు సీన్స్‌ పెట్టాడు దర్శకుడు. ఇక బాలీవుడ్‌ లో ముద్దు సీన్స్‌ కు హద్దు అంటూ ఉండదు. దాంతో విచ్చల విడిగా ముద్దు సీన్స్‌ ను దర్శకుడు సందీప్‌ పెట్టి ఉంటాడనే టాక్‌ వస్తుంది.

'కబీర్‌ సింగ్‌' చిత్రంలోని ముద్దు సీన్స్‌ ముచ్చటను హీరోయిన్‌ కియారా అద్వానీ మాట్లాడుతూ చాలా తేలికగా తేల్చి పారేసింది. సినిమాకు సంబంధించిన ప్రమోషన్‌ వీడియోల్లోనే ఘాటు ముద్దు సీన్స్‌ ఉన్నాయి. అలాంటిది ముద్దు సీన్స్‌ ను చాలా నార్మల్‌ గా చేశామంటూ కియారా అద్వానీ చెప్పుకొచ్చింది. ఇతర సీన్స్‌ మాదిరిగానే ఆ సీన్స్‌ ను కూడా చిత్రీకరించాం. కథలో.. సీన్‌ లో భాగంగా ఉంటాయి కనుక వాటికి ఎక్కువ కష్టపడకుండా చేశామంటూ కియారా చెప్పుకొచ్చింది.

షూటింగ్‌ సమయంలో లిప్‌ లాక్‌ సీన్స్‌ చేసినప్పుడు తప్ప అంతకు ముందు ఆ తర్వాత వాటి గురించిన ఆలోచనే లేదని ఆ సీన్స్‌ చాలా సింపుల్‌ గా షూట్‌ అవ్వడం వల్లే వాటి గురించి ఎక్కువగా ఆలోచించాల్సిన అవసరం రాలేదంటూ చెప్పుకొచ్చింది. మొత్తానికి సినిమాలో లెక్కకు మించి ముద్దు సీన్స్‌ ఉన్నా కూడా పెద్దగా ఇబ్బంది లేకుండానే పెట్టేశానంటోంది కియారా అద్వానీ. ఈ అమ్మడు ప్రస్తుతం బాలీవుడ్‌ లో పలు సినిమాల్లో నటిస్తోంది. తెలుగులో ఈమె వినయ విధేయ రామ దెబ్బ కొట్టడంతో మళ్లీ కనిపించడం లేదు.