కిట్టుగాడు.. ఆ రోజు వ‌చ్చేస్తున్నాడు

సంక్రాంతి సినిమాల సంద‌డి కొన‌సాగుతుండ‌టంతో ఈ వారాంతంలో కొత్త సినిమాలేవీ రిలీజ్ కావట్లేదు. త‌ర్వాతి వారం ‘సింగం-3’ విడుద‌ల‌వుతోంది. ఇక ఫిబ్ర‌వ‌రిలో ఆల్రెడీ మూడు వారాల‌కు బెర్తులు బుక్ అయిపోయాయి. మూడో తారీఖు మంచు విష్ణు సినిమా ‘ల‌క్కున్నోడు’ రిలీజ‌వుతుంటే.. ప‌దో తారీఖున ‘ఓం న‌మో వెంక‌టేశాయ’ విడుద‌ల‌కు ప్లాన్ చేస్తున్నారు. ఇక సాయిధ‌ర‌మ్ తేజ్ ‘విన్న‌ర్’ మూవీ ఫిబ్ర‌వ‌రి 24కు షెడ్యూల్ అయి ఉంది. ఈ నెల‌లో మిగిల‌క ఏకైక డేట్.. 17. ఆ తేదీకి కూడా ఓ సినిమా విడుద‌ల‌కు ముహూర్తం ఖ‌రారు చేసుకుంది. అదే.. ‘కిట్టు ఉన్నాడు జాగ్ర‌త్త‌’.

రాజ్ త‌రుణ్ క‌థానాయ‌కుడిగా ‘దొంగాట’ ఫేమ్ వంశీకృష్ణ ద‌ర్శ‌క‌త్వం వ‌హించిన సినిమా ‘కిట్టు ఉన్నాడు జాగ్ర‌త్త‌. ‘ఏకే ఎంట‌ర్టైన్మెంట్స్’ బేన‌ర్ మీద అనిల్ సుంక‌ర ఈ చిత్రాన్ని నిర్మించాడు. ఇందులో కుక్క‌ల్ని కిడ్నాప్ చేసి డ‌బ్బు సంపాదించే కుర్రాడి పాత్ర‌ను పోషిస్తున్నాడు రాజ్ త‌రుణ్. ఈ మ‌ధ్యే రిలీజైన ‘కిట్టు ఉన్నాడు జాగ్తత్త’ టీజ‌ర్ భ‌లే స‌ర‌దాగా అనిపిస్తూ.. జ‌నాల్ని ఆక‌ట్టుకుంది. టీజ‌ర్లో పంచులు పేలిపోయాయి. నెలాఖ‌ర్లో ఆడియో.. ట్రైల‌ర్ రిలీజ్ చేయ‌నున్నారు. మ‌ల‌యాళ భామ అను ఇమ్మాన్యుయెల్ క‌థానాయిక‌గా న‌టిస్తున్న ఈ చిత్రంలో స‌ల్మాన్ ఖాన్ త‌మ్ముడు అర్బాజ్ ఖాన్ విల‌న్ పాత్ర పోషిస్తుండ‌టం విశేషం. అనూప్ రూబెన్ప్ సంగీత ద‌ర్శ‌కుడు.

Like Us on Facebook : https://www.facebook.com/Tupakidotcom/