ఒక్కోసారి కొన్ని సినిమాలు హిట్టయ్యాయ్ అంటే.. వాటిని రీమేక్ చేస్తే కూడా అలాంటి రిజల్టే వస్తుంది. కాని కొన్ని సినిమాలను మాత్రం రీమేక్ చేయడం వలన పెద్దగా కిక్ ఇవ్వకపోవచ్చు. ఇప్పుడు అనుకోకుండా సల్మాన్ ఖాన్ అలాంటి మిస్టేక్ ఏదన్నా చేస్తున్నాడా అంటే అవుననే అంటున్నారు సినిమా లవ్వర్స్. పదండి ఇంతకీ అదేంటో చూద్దాం. ఆ మధ్యన తన రైటింగ్ తో శ్రీదేవికి 'మామ్' అనే ఫ్లాపును ఇచ్చిన కోన వెంకట్.. తెలుగులో ఈ మద్యన ఏమీ రాయకపోయినా కూడా ఇప్పుడు హిందీలో సల్మాన్ ఖాన్ కోసం ఒక స్ర్కిప్ట్ రాస్తున్నాడు. ఇంతకీ అది కొత్త కథ కాదంట. మన తెలుగులో ఆడిన 'లౌక్యం' సినిమానే మళ్ళీ అక్కడ తీస్తున్నారట. అసలు లౌక్యం సినిమాలో కామెడీ తప్పిస్తే ఏమీ ఉండదు. మరోసారి నమో వెంకటేశ.. రెడీ వంటి సినిమాలను చూస్తున్నట్లే ఉంటుంది. ఆల్రెడీ శ్రీను అండ్ కోన బ్యాచ్ నుండి వచ్చిన రెడీ సినిమాను రీమేక్ చేసి పెద్దగా సక్సెస్ చవిచూడని సల్మాన్.. ఇప్పుడు కోన రాసిన లౌక్యం ను రీమేక్ చేయడం అతడికి ఏమాత్రం సెట్టవ్వద్దేమో అనే సందేహాలను తెరమీదకు తెస్తోంది. ఇకపోతే భాయ్ రాంగ్ గేర్ వేస్తున్నాడని ఆయన అభిమానులు కూడా అంటున్నారు. బజరంగీ భాయిజాన్ అండ్ టైగర్ జిందా హై వంటి మంచి మంచి సినిమాలతో పలకరించిన భాయ్.. ఇప్పుడు లౌక్యం వంటి సిల్లీ కామెడీతో రావడం వారికి రుచించట్లేదు. మరి దీని భాయ్ అండ్ కోన ఏం సమాధానం చెబుతారో చూడాలి.