ప‌వ‌న్ ప‌క్కా `జెంటిల్మ‌న్`: ఖుష్బూ

విల‌క్ష‌ణ ద‌ర్శ‌కుడు, మాట‌ల మాంత్రికుడు త్రివిక్రమ్ శ్రీ‌నివాస్ దర్శకత్వంలో పవన్ కళ్యాణ్  హీరోగా తెర‌కెక్కిన `అత్తారింటికి దారేది` చిత్రం టాలీవుడ్ తో పాటు ఓవ‌ర్సీస్ లో కూడా బాక్సాఫీస్ రికార్డుల‌ను బ‌ద్ద‌లు కొట్టిన సంగ‌తి తెలిసిందే. ఆ చిత్రంలో ప‌వ‌న్ పాత్ర‌కు ఎంత ప్రాధాన్యం ఉందో....`అత్త‌`పాత్ర‌కు దాదాపుగా అంతే ప్రాధాన్యం ఉంది. అటువంటి కీల‌క‌మైన పాత్ర‌లో సీనియ‌ర్ న‌టి న‌దియా త‌న న‌ట‌న‌తో టాలీవుడ్ ప్రేక్ష‌కుల‌ను ఫిదా చేసింది. అప్ప‌టి వ‌ర‌కు ఎవ‌రికీ పెద్ద‌గా ప‌రిచయం లేని న‌దియా ఒక్క‌సారిగా బిజీ అయిపోయింది. తాజాగా - ప‌వ‌న్-త్రివిక్ర‌మ్ ల కాంబోలో రాబోతోన్న `అజ్ఞాత‌వాసి`లో సీనియ‌ర్ న‌టి ఖుష్బూ ఓ కీల‌క‌మైన పాత్ర పోషించిన సంగ‌తి తెలిసిందే. తాజాగా, ఖుష్బూ ఆ చిత్ర యూనిట్ కు ప్ర‌త్యేకంగా ధ‌న్య‌వాదాలు తెలుపుతూ ట్వీట్ చేసింది.

ఈ చిత్రంలో న‌టించ‌డం త‌న‌కు ఎంతో సంతోషాన్నిచ్చింద‌ని ఖుష్బూ తెలిపింది. తాను  ఇటువంటి వైవిధ్యమైన పాత్రల కోసమే ఇన్నాళ్లు ఎదురు చూశానని ట్వీట్ చేసింది. త‌న‌పై ఇంత నమ్మకం ఉంచిన త్రివిక్రమ్ కు - పక్కా జెంటిల్ మేన్ పవన్ కల్యాణ్ కు - హారిక-హాసిని బ్యానర్ కు ధన్యవాదాలు తెలిపింది. దాంతో పాటు `అజ్ఞాతవాసి` నుంచి ఓ పోస్టర్ ను ఖుష్బూ ట్వీట్ చేసింది. అయితే, ఆ చిత్రంలో ఖుష్బూ ఎటువంటి పాత్ర పోషించింద‌నే విష‌యంపై క్లారిటీ రావాల్సి ఉంది. ఒంట‌రి పోరాటం నుంచి స్ఫూర్తి పొంది `అజ్ఞాత‌వాసి`ని  త్రివిక్ర‌మ్ తెర‌కెక్కించాడ‌న్న పుకార్లు షికార్లు చేస్తున్న నేప‌థ్యంలో`జ‌యసుధ` పాత్ర త‌ర‌హాలో ఓ ప‌వ‌ర్ ఫుల్ పాత్ర‌లో ఖుష్బూ న‌టించిన‌ట్లు తెలుస్తోంది. ఈ ప్ర‌తిష్టాత్మ‌క చిత్రంలో ఖుష్బూతోపాటు ఆది పినిశెట్టి కూడా ఓ కీలకమైన‌ పాత్ర పోషించాడు.