కొంప‌దీసి ఆ కోటిమందిని క‌లిసొస్తుందా ఏమీటీ?

బ్యాక్ టు బ్యాక్ సినిమాల‌తో క్ష‌ణం తీరిక లేకుండా ఉంది అందాల రాక్ష‌సి లావ‌ణ్య త్రిపాఠి. ఓవైపు కార్తికేయ స‌ర‌స‌న `చావు క‌బురు చ‌ల్ల‌గా` చిత్రంలో న‌టిస్తున్న లావ‌ణ్య మ‌రోవైపు సందీప్ కిష‌న్ స‌ర‌స‌న `ఏ1 ఎక్స్ ప్రెస్`లోనూ నాయిక‌గా న‌టిస్తోంది.

చావు క‌బురు చ‌ల్ల‌గా జీఏ2 సంస్థ నిర్మిస్తోంది. ఈ మూవీ మార్చి 19న రిలీజ్ కానుంది. అంత‌కంటే ముందే ఫిబ్ర‌వ‌రి 26న `ఏ1 ఎక్స్ ప్రెస్` రిలీజ్ కి వ‌చ్చేస్తోంది. హాకీ నేప‌థ్యంలో ఇంట్రెస్టింగ్ మూవీ ఇది. ఇందులో లావ‌ణ్య పాత్ర ఆద్యంతం ఆస‌క్తిని క‌లిగిస్తుంద‌ట‌. ఒకేసారి ఇద్ద‌రు యువ‌హీరోల తో రొమాన్స్ చేసిన లావ‌ణ్య‌కు ఈ సీజ‌న్ క‌లిసొస్తుందా లేదా? అన్న‌ది తెలియాలంటే కాస్త‌ వేచి చూడాలి.

తాజాగా రిలీజ్ చేసిన‌ ఏ1 ఎక్స్ ప్రెస్ ట్రైల‌ర్ అంతర్జాలాన్ని షేక్ చేస్తూ కోటి వీక్ష‌ణ‌ల మార్క్ ని అందుకుంద‌ని లావ‌ణ్య తెలిపింది. ఈ సంద‌ర్భంగా తాను బైక్ రైడ్ కి వెళుతోంద‌ట‌. ఇదిగో ఇలా బైక్ పై హెల్మెట్ ధ‌రించి రైడ్ కి రెడీ అయిపోయింది. త‌న ప‌క్క‌నే ఏ1 టీమ్ కూడా క‌నిపిస్తోంది. అన్న‌ట్టు రాక్ష‌సి కొంప‌దీసి ఆ కోటిమందిని క‌లిసి వ‌స్తాన‌ని చెబుతుందా ఏమిటీ..! అంటూ యూత్ సెటైర్లు వేస్తున్నారు. ఏదేమైనా త‌న సినిమాల‌కు అద్భుత‌మైన ప్ర‌చారం చేస్తూ ప‌రుగులు పెట్టిస్తున్న లావ‌ణ్యాన్ని మెచ్చుకుని తీరాలి.