స్కూల్ పిల్లలా మారిపోయిన లావణ్య త్రిపాఠి

లావణ్య త్రిపాఠి..'అందాల రాక్షసి' సినిమాతో సినీ ఇండస్ట్రీలోకి ప్రవేశించింది. ఆకర్షణీయమైన, మనోహరమైన రూపం ఆమె సొంతం. భలే భలే మగాడివోయ్, శ్రీరస్తు శుభమస్తు, సోగ్గాడే చిన్ని నాయనా చిత్రాలు ఆమెకు మంచి పేరును తెచ్చిపెట్టాయి. సినిమా కెరీర్ మొదలు పెట్టినప్పటి నుండి అభినయానికి అవకాశమున్న పాత్రలనే ఎంచుకుంటూ తన నటనతో తెలుగు ప్రేక్షకులకు బాగా దగ్గరైంది ఈ డెహ్రాడూన్ భామ. ప్రస్తుతం తెలుగుతో పాటు తమిళ్ లో కూడా నటిస్తూ బిజీగా మారుతోంది. గతేడాది వచ్చిన 'అర్జున్ సురవరం' హిట్ తో మంచి ఊపు మీదున్న లావణ్య సందీప్ కిషన్ సరసన 'ఏ1న ఎక్సప్రెస్' మరియు కార్తికేయతో కలిసి 'చావు కబురు చల్లగా' చిత్రాల్లో నటిస్తున్నారు. తమిళంలో యువ హీరో అథర్వ సరసన ఒక చేస్తున్నట్లు సమాచారం. సోషల్ మీడియాలో యాక్టీవ్ గా ఉండే లావణ్య అభిమానులకు ఎప్పుడూ టచ్ లో ఉంటుంది. కుదిరినప్పుడల్లా ఫోటోలు వీడియోలు అప్లోడ్ చేస్తూ కుర్రాళ్లను అట్ట్రాక్ట్ చేస్తూ ఉంటుంది.

మొన్న కరోనాపై స్పందించి వీడియో పోస్ట్ చేసిన లావణ్య ఇప్పుడు తాజాగా మరో వెరైటీ పోస్ట్ పెట్టి అందరూ తనవైపు చూసేలా చేసుకుంది. స్కూల్ డ్రెస్ వేసుకుని ఉన్న ఈ వీడియో అందర్నీ ఆకర్షించింది. ఈ వీడియో చూసిన ఎవరైనా ఆమె స్కూల్ గర్ల్ అంటే నమ్మక తప్పదు. ఇదిలా ఉండగా లావణ్య త్రిపాఠి పవర్ స్టార్ పవన్ కళ్యాణ్ సరసన నటించే ఛాన్స్ కొట్టేసిందని ఇండస్ట్రీ వర్గాల సమాచారం. హరీష్ శంకర్ దర్శకత్వంలో పవన్ కళ్యాణ్ నటించే మూవీలో ఎంపికైందని సమాచారం. ఈ చిత్రానికి మైత్రీ మూవీ మేకర్స్ వాళ్లు నిర్మాతలుగా వ్యవహరిస్తున్నారు. ఈ సినిమాతో అయినా టాలీవుడ్ లో పాగా వేస్తుందేమో చూడాలి.