బీచ్ లో సీనియ‌ర్ న‌టి వైన్ సిప్ చేస్తూ..!

ఇటీవ‌ల ప‌లువురు స్టార్ క‌పుల్స్ మాల్దీవుల విహారం నుంచి వేడెక్కించే ఫోటోల‌ను వీడియోల్ని షేర్ చేయ‌గా అవి అభిమానుల్లో వైర‌ల్ అయ్యాయి. ఇప్పుడు సీనియ‌ర్ న‌టి మాధురి ధీక్షిత్ వంతు. ఈ వెట‌ర‌న్ న‌టి త‌న భ‌ర్త‌ డాక్టర్ శ్రీరామ్ నేనే తో క‌లిసి మాల్దీవులలో శృంగార విందును ఆస్వాధించారు. కుమారుడు అరిన్ తో కలిసి మాల్దీవుల్లో ఈ జంట విహార యాత్ర‌ను ఆస్వాధిస్తున్నారు.

భ‌ర్త శ్రీ‌రామ్ తో రొమాంటిక్ డేట్ కి సంబంధించిన ఫోటోలను మాధురి ధీక్షిత్ సోష‌ల్ మీడియాల్లో షేర్ చేయ‌గా వైర‌ల్ అయ్యాయి. ఇందులో బ్లాక్ అండ్ వైట్ ఫోటోలో మాధురి ఒక వైన్ గ్లాస్ తో ఛీర‌ప్ చేస్తున్న వైనం హాట్ టాపిక్ గా మారింది. భ‌ర్త‌ శ్రీరామ్ తో క‌లిసి రాత్రి బీచ్ లో వైన్ సిప్ చేస్తున్న‌ప్ప‌టి క్లిక్ అది.

మాధురి తన వైన్ గ్లాస్ ‌ను కెమెరా వైపు చూపిస్తూ పట్టుకొని ఉన్న ఫోటోని భ‌ర్త శ్రీ‌రామ్ నీనే స్వ‌యంగా క్లిక్ మ‌నిపించార‌ట‌. మీ అందరికీ చీర్స్! అని మాధురి ఈ ఫోటోకు క్యాప్షన్ ఇచ్చారు. ఈ ఫోటోని శ్రీరామ్ తన ఇన్ స్టాగ్రామ్ ప్రొఫైల్ లో షేర్ చేశారు. న‌డి రేయిలో ఒక లాంతరు నుంచి కాంతి ఈ అంద‌మైన జోడీ ముఖాలపై ప‌రుచుకోగా..ఆ ఇద్ద‌రూ ఒకరినొకరు కళ్ళలోకి చూస్తూ ఉన్న వేరొక‌ ఫోటో ఆక‌ట్టుకుంది. క్యాండిల్ లైట్ డిన్నర్ ఇది... చీర్స్! అని ఆమె తన పోస్ట్ లో వెల్ల‌డించింది.  మాధురి- శ్రీరామ్ జంట వారి పెద్ద కుమారుడు అరిన్ కి సంబంధించిన‌ కొన్ని వాట‌ర్ అడ్వెంచ‌ర్ వీడియోల్ని షేర్ చేశారు. ముగ్గురూ హైస్పీడ్ మ‌ర‌ బోట్ లో కూర్చొని సముద్రంలోకి వెళ్లిన ఫోటోలు వైర‌ల్ అయ్యాయి.

మాధురి ఇటీవ‌ల బుల్లితెర జ‌డ్జిగా బిజీగా ఉన్న సంగ‌తి తెలిసిందే. ఈసారి వెకేష‌న్ కోసం తన డాన్స్ రియాలిటీ షో డాన్స్ దీవానే నుండి ఎక్కువ రోజులు సెలవు తీసుకున్నార‌ని అర్థ‌మ‌వుతోంది. రియాలిటీ షో సెట్స్ ‌పై కరోనావైరస్ వ్యాప్తి చెందడంతో ఈ షో వార్తల్లో నిలిచింది. ప్రదర్శనలో సుమారు 18 మంది సిబ్బందికి క‌రోనా పాజిటివ్ అని తేల‌డంతో బ్రేకిచ్చారు. 2019లో టోటల్ ధమాల్- కళాంక్ అనే రెండు భారీ చిత్రాలలో మాధురి క‌నిపించారు. ఆ త‌ర్వాత పెద్ద తెర‌కు చాలా గ్యాప్ వ‌చ్చింది.