ఓవైపు టాలీవుడ్ .. మ‌రోవైపు బాలీవుడ్ .. రెండిటినీ తెలివిగా మ్యానేజ్ చేసేస్తోంది ముంబై బ్యూటీ పూజా హెగ్డే. ఇక్క‌డా అక్క‌డా స్టార్ హీరోల సినిమాల‌కు సంత‌కాలు చేస్తూ వేడి పెంచుతోంది. ఓవైపు మ‌హ‌ర్షి రిలీజ్ ప్ర‌మోష‌న్స్ హ‌డావుడిలో ఉండ‌గానే త‌ను న‌టించే త‌దుప‌రి బాలీవుడ్ చిత్రాల‌కు సంబంధించిన స‌మాచారం లీకైంది. పూజా ఇప్ప‌టికే స్టార్ డైరెక్ట‌ర్ సాజిద్ న‌డియావాలా తెర‌కెక్కించ‌నున్న ఓ మూడు చిత్రాల‌కు సంబంధించిన ఒప్పందంపై సంత‌కం చేసింది. మ‌హ‌ర్షి ప్ర‌మోష‌న్ కార్య‌క్ర‌మాలు పూర్తి చేసుకుని త‌దుప‌రి బాలీవుడ్ లో న‌టించేందుకు వెళ్లిపోతోంది. ఈ మ‌ధ్య‌లోనే ప్ర‌భాస్ తో `జాన్` చిత్రాన్ని పూర్తి చేసి.. బ‌న్ని - త్రివిక్ర‌మ్ సినిమాకి అందుబాటులోకి వ‌స్తుంద‌ట.
సాజిద్ సినిమాలో పూజా రోల్ ఎలా ఉంటుంది? అన్న‌దానికి స‌మాధానం దొరికింది. అత‌డు తెర‌కెక్కించ‌నున్న త‌దుప‌రి చిత్రం కోసం పూజా చాలానే సాహ‌సాలు చేయ‌బోతోంది. ఆ సినిమాలో యాంజెలినా జోలీ `టోంబ్ రైడ‌ర్` (2001) త‌ర‌హా పాత్ర‌లో పూజా అబ్బుర‌ప‌రుస్తుంద‌ట. అది పూర్తిగా మార్ష‌ల్ ఆర్ట్స్ యాక్ష‌న్ బేస్డ్ సినిమా కావ‌డంతో అందుకు త‌గ్గ‌ట్టే థైక్వాండోని నేర్చుకునేందుకు సిద్ధ‌మ‌వుతోంద‌ట. సినిమా సినిమాకి ఆర్టిస్టు ఏదో ఒక కొత్త విష‌యాన్ని నేర్చుకుంటారు. తాజాగా అదే అవ‌స‌రం పూజాకి ప‌డింది. 2016లో హృతిక్ రోష‌న్ హీరోగా అశుతోష్ గోవారికర్ తెర‌కెక్కించిన `మొహంజోదారో` చిత్రం కోసం ఏకంగా రెండ‌ళ్ల పాటు బిజీ అయిపోయిన పూజా.. అటుపై కొంత గ్యాప్ త‌ర్వాత తిరిగి తెలుగు సినీప‌రిశ్ర‌మ‌లో అడుగు పెట్టింది. మ‌ళ్లీ ఇప్పుడు మ‌హ‌ర్షి - జాన్ - ఏఏ19 సినిమాలు చేస్తూనే.. అటు బాలీవుడ్ కెరీర్ ని చ‌క్క‌బెట్టుకుంటోంది.
సాజిద్ కి ఇచ్చిన క‌మిట్ మెంట్ ప్ర‌కారం.. పూజా ఇప్ప‌టికే మార్ష‌ల్ ఆర్ట్స్ - థైక్వాండో క్లాసుల‌కు వెళుతోంది. జిమ్ తో పాటే విధిగా అన్ని విద్య‌ల్ని ప్రాక్టీస్ చేస్తోంది. అయితే మ‌హ‌ర్షి బిజీ ముగిశాక పూర్తి స్థాయిలో శిక్ష‌ణ పొందుతుంద‌ని తెలుస్తోంది. మ‌హ‌ర్షి చిత్రంలో మ‌హేష్- అల్ల‌రి న‌రేష్ తో క‌లిసి కాలేజ్ గ్యాంగ్ లో పూజా చేసే అల్ల‌రి ట్రైల‌ర్ లో ఆక‌ట్టుకున్న సంగ‌తి తెలిసిందే. ఈ చిత్రంలో త‌న పాత్ర ప‌రిధి ఎంత అన్న‌దానికి స‌మాధానం లేదింకా. త‌దుప‌రి పూజా హెగ్డే ఇంట‌ర్వ్యూల్లో ఈ సంగ‌తుల్ని రివీల్ చేస్తుందేమో వేచి చూడాలి.
సాజిద్ సినిమాలో పూజా రోల్ ఎలా ఉంటుంది? అన్న‌దానికి స‌మాధానం దొరికింది. అత‌డు తెర‌కెక్కించ‌నున్న త‌దుప‌రి చిత్రం కోసం పూజా చాలానే సాహ‌సాలు చేయ‌బోతోంది. ఆ సినిమాలో యాంజెలినా జోలీ `టోంబ్ రైడ‌ర్` (2001) త‌ర‌హా పాత్ర‌లో పూజా అబ్బుర‌ప‌రుస్తుంద‌ట. అది పూర్తిగా మార్ష‌ల్ ఆర్ట్స్ యాక్ష‌న్ బేస్డ్ సినిమా కావ‌డంతో అందుకు త‌గ్గ‌ట్టే థైక్వాండోని నేర్చుకునేందుకు సిద్ధ‌మ‌వుతోంద‌ట. సినిమా సినిమాకి ఆర్టిస్టు ఏదో ఒక కొత్త విష‌యాన్ని నేర్చుకుంటారు. తాజాగా అదే అవ‌స‌రం పూజాకి ప‌డింది. 2016లో హృతిక్ రోష‌న్ హీరోగా అశుతోష్ గోవారికర్ తెర‌కెక్కించిన `మొహంజోదారో` చిత్రం కోసం ఏకంగా రెండ‌ళ్ల పాటు బిజీ అయిపోయిన పూజా.. అటుపై కొంత గ్యాప్ త‌ర్వాత తిరిగి తెలుగు సినీప‌రిశ్ర‌మ‌లో అడుగు పెట్టింది. మ‌ళ్లీ ఇప్పుడు మ‌హ‌ర్షి - జాన్ - ఏఏ19 సినిమాలు చేస్తూనే.. అటు బాలీవుడ్ కెరీర్ ని చ‌క్క‌బెట్టుకుంటోంది.
సాజిద్ కి ఇచ్చిన క‌మిట్ మెంట్ ప్ర‌కారం.. పూజా ఇప్ప‌టికే మార్ష‌ల్ ఆర్ట్స్ - థైక్వాండో క్లాసుల‌కు వెళుతోంది. జిమ్ తో పాటే విధిగా అన్ని విద్య‌ల్ని ప్రాక్టీస్ చేస్తోంది. అయితే మ‌హ‌ర్షి బిజీ ముగిశాక పూర్తి స్థాయిలో శిక్ష‌ణ పొందుతుంద‌ని తెలుస్తోంది. మ‌హ‌ర్షి చిత్రంలో మ‌హేష్- అల్ల‌రి న‌రేష్ తో క‌లిసి కాలేజ్ గ్యాంగ్ లో పూజా చేసే అల్ల‌రి ట్రైల‌ర్ లో ఆక‌ట్టుకున్న సంగ‌తి తెలిసిందే. ఈ చిత్రంలో త‌న పాత్ర ప‌రిధి ఎంత అన్న‌దానికి స‌మాధానం లేదింకా. త‌దుప‌రి పూజా హెగ్డే ఇంట‌ర్వ్యూల్లో ఈ సంగ‌తుల్ని రివీల్ చేస్తుందేమో వేచి చూడాలి.