సూపర్ స్టార్ మహేష్ బాబు 25వ సినిమా విడుదలకు ఇంకా చాలా టైం ఉన్నప్పటికీ మరో మూడు రోజుల్లో రానున్న ప్రిన్స్ బర్త్ డే గురించి ఫ్యాన్స్ చాలా ఎగ్జైటింగ్ గా ఉన్నారు. కారణం అదే రోజు ఫస్ట్ లుక్ తో పాటు టైటిల్ రివీల్ చేయబోతున్నారు కాబట్టి. గత రెండు మూడు రోజులుగా రకరకాల లోగోస్ తో ఎంబ్లెమ్స్ తో డిజైన్స్ తో ఊరిస్తున్న టీమ్ తాజాగా వదిలిన RIS అనే లోగో ఇప్పుడు ఆసక్తికరంగా మారింది. అది టైటిల్ కు లింక్ అయ్యి ఉందని సిబిఐ రేంజ్ లో దాన్ని డీ కోడ్ చేయటం మొదలుపెట్టారు. రిషి అనే పేరు సినిమాకు పెట్టవచ్చని అంచనాలు మొదలయ్యాయి. సౌండింగ్ బాగుండటంతో పాటు కూల్ గా అనిపిస్తోంది కాబట్టి ఫాన్స్ కూడా దీనికి ఓటు వేస్తున్నారు. ఇది అభిమానుల నుంచి వస్తున్న ఊహాగానం మాత్రమే. నిజానికి ఆ టైటిల్ ఏంటో టీమ్ లో అతి ముఖ్యులకు తప్ప ఇంకెవరికి తెలియదు. ఋషి పేరుతో కొన్నేళ్ల క్రితమే రాజ్ ముదిరాజ్ దర్శకత్వంలో ఓ సినిమా వచ్చింది. థియేటర్ లో ఆడలేదు కానీ యూట్యూబ్ లో బాగానే చూస్తున్నారు. అది ఎవరికి అంతగా తెలియని మూవీ కాబట్టి రిపీట్ ఫీలింగ్ కలగదు. ఇప్పుడు దీనికి వాడతారో లేదో తెలియదు.
కానీ ఈ సస్పెన్స్ కు తెరపడేది మాత్రం ఆగస్ట్ 9నే. ఇప్పటికే కౌంట్ డౌన్ పేరిట సోషల్ మీడియాలో మహేష్ ఫాన్స్ చేస్తున్న హంగామా ఓ రేంజ్ లో ఉంది. కథ గురించి సైతం రకరకాల లీకులు బయటికి వస్తున్నాయి. మహేష్ అమెరికాలో ఓ పెద్ద కంపెనీకి సీఈఓగా ఉంటాడని ఇండియాలో తనతో పాటు చదువుకున్న అల్లరి నరేష్ కుటుంబం పెద్ద సమస్యలో ఉందని తెలుసుకుని ఇక్కడికి వస్తాడని ఆ తర్వాత అది సోషల్ ఇష్యూ గా మారుతుందని ఇలా రకరకాలుగా వండి వారుస్తున్నారు. రాజసం అనే పేరు కూడా షూటింగ్ స్టార్ట్ అయిన మొదట్లో బాగా ప్రచారం జరిగింది. ఇప్పుడు ఈ ఆర్ఐఎస్ అనే కోడ్ లో అర్థం ఏంటా అని ఇంకా విశ్లేషణలు చేస్తూనే ఉన్నారు ఫ్యాన్స్. పూజా హెగ్డే హీరోయిన్ గా నటించిన ఈ మూవీకి సంగీతం దేవిశ్రీ ప్రసాద్. అమెరికాలో కీలక షెడ్యూల్ జరుపుకోనున్న ఈ సినిమా విడుదలకు ఏప్రిల్ 5 ముహూర్తం ఫిక్స్ చేసారు. దానికి సమయం బోలెడు ఉంది కానీ ఆ లోపు పేరు తెలుసుకోవాలనే అభిమానుల ఆత్రం ఇంకో మూడు రోజుల్లో తీరిపోతుంది. చూద్దాం.
కానీ ఈ సస్పెన్స్ కు తెరపడేది మాత్రం ఆగస్ట్ 9నే. ఇప్పటికే కౌంట్ డౌన్ పేరిట సోషల్ మీడియాలో మహేష్ ఫాన్స్ చేస్తున్న హంగామా ఓ రేంజ్ లో ఉంది. కథ గురించి సైతం రకరకాల లీకులు బయటికి వస్తున్నాయి. మహేష్ అమెరికాలో ఓ పెద్ద కంపెనీకి సీఈఓగా ఉంటాడని ఇండియాలో తనతో పాటు చదువుకున్న అల్లరి నరేష్ కుటుంబం పెద్ద సమస్యలో ఉందని తెలుసుకుని ఇక్కడికి వస్తాడని ఆ తర్వాత అది సోషల్ ఇష్యూ గా మారుతుందని ఇలా రకరకాలుగా వండి వారుస్తున్నారు. రాజసం అనే పేరు కూడా షూటింగ్ స్టార్ట్ అయిన మొదట్లో బాగా ప్రచారం జరిగింది. ఇప్పుడు ఈ ఆర్ఐఎస్ అనే కోడ్ లో అర్థం ఏంటా అని ఇంకా విశ్లేషణలు చేస్తూనే ఉన్నారు ఫ్యాన్స్. పూజా హెగ్డే హీరోయిన్ గా నటించిన ఈ మూవీకి సంగీతం దేవిశ్రీ ప్రసాద్. అమెరికాలో కీలక షెడ్యూల్ జరుపుకోనున్న ఈ సినిమా విడుదలకు ఏప్రిల్ 5 ముహూర్తం ఫిక్స్ చేసారు. దానికి సమయం బోలెడు ఉంది కానీ ఆ లోపు పేరు తెలుసుకోవాలనే అభిమానుల ఆత్రం ఇంకో మూడు రోజుల్లో తీరిపోతుంది. చూద్దాం.