బిగ్ బాస్ లోకి మహేష్??

టాలీవుడ్ సూపర్ స్టార్ మహేష్ బాబు "స్పైడర్" సినిమా ఎప్పుడు వస్తుందా అని  తెలుగు ప్రేక్షకులు ఎంతో ఆతృతగా ఎదురు చూస్తున్నారు అనడంలో ఎలాంటి సందేహం లేదు. అయితే ప్రస్తుతం చివరి పాట చిత్రీకరణలో ఉన్న ఈ చిత్రం మొత్తం షూటింగ్ ని వీలైనంత త్వరగా పూర్తి చేసి చిత్రం ప్రమోషన్స్ లో పాల్గొనాలని అనుకుంటున్నారట. ప్రమోషన్స్ లో భాగంగా మహేష్ బుల్లి తెరపై రికార్డ్ లను క్రియేట్ చేస్తున్న  "బిగ్ బాస్" షోకి ఎంట్రీ ఇచ్చి బుల్లి తెర ప్రేక్షకులకు కనువిందు చేస్తాడా?

బిగ్ బాస్ నిర్వాహకులు కూడా మహేష్ వస్తే షోకి భారీ రేటింగ్ ఖాయమని ఆయనను రప్పించడానికి వారు కూడా ప్రయత్నాలు చేస్తున్నారట. ఇదేదో తెలుగు బిగ్ బాస్ లో అనుకుంటున్నారా? ప్రస్తుతానికి అయితే అలంటి న్యూస్ ఏం లేదు గాని. తమిళ బిగ్ బాస్ షోలోకి మాత్రం వెళ్లనున్నడని తెలుస్తోంది. ఎందుకంటే మహేష్ శ్రీమంతుడు తమిళ్ లో రిలీజ్ చేసినప్పుడు ఆ సినిమా పాజిటివ్ టాక్ ను తెచ్చుకుంది. అయితే ఇంకాస్త ముందే ప్రమోషన్ అక్కడ కూడా పెంచి ఉంటే.. బాగా పాపులర్ అయ్యి ఉండేదని అనుకున్నారట. కానీ ఇప్పుడు స్పైడర్ సినిమా తమిళ్ లో కూడా తెరకెక్కుతుండడంతో అక్కడ భారీ స్థాయిలో రిలీజ్ చేస్తున్నారు. అందులోను తమిళ్ దర్శకుడు మురగదాస్ ఈ సినిమాను తెరకెక్కిస్తుండడంతో సినిమాపై అంచనాలు బాగానే ఉన్నాయి. అయితే ఎంతకైనా మంచిదని ప్రమోషన్స్ ని గట్టిగా చేద్దామని ఫిక్స్ అయ్యాడట మహేష్.

అందుకే బిగ్ బాస్ ద్వారా అక్కడి బుల్లి తెర ప్ర్రేక్షకులను ఆకర్షించడానికి రెడీ అవుతున్నాడట మహేష్. మరి తెలుగులో కూడా మనవాళ్ళు ఒప్పిస్తే మహేష్ రాకుండా ఉంటాడా తప్పకుండా వస్తాడు అంటున్నారు అభిమానులు. అప్పుడు ఎన్టీఆర్ ని మహేష్ ని బుల్లి తెరపై చూస్తే ఇంట్లోనే విజిల్స్ పడటం ఖాయం.