దర్శకుడు త్రివిక్రమ్ తో మహేష్ బాబు తన కొత్త సినిమా షూటింగ్ ప్రారంభించిన సంగ‌తి తెలిసిందే. నమ్రతా శిరోద్కర్ ఇంత‌కుముందే మహేష్ కొత్త లుక్ ఫోటోను షేర్ చేసారు. అయితే అభిమానులు మహేష్ కొత్త రూపాన్ని హాలీవుడ్ నటుడు కీను రీవ్స్ తో పోల్చడం ప్రారంభించారు.
పొడవాటి జుల‌పాల జుట్టు చూడ‌గానే ఈ రూపం ఎక్క‌డో చూసిన‌ట్టే ఉందే! అంటూ పోలిక‌లు చూడ‌టం కొన‌సాగించారు. కొందరు మేధోవ‌ర్గం నెటిజ‌నులు క్ష‌ణాల్లో ఈ లుక్ ఎక్క‌డి నుంచి పుట్టుకొచ్చిందో క‌నిపెట్టేసారు. ఆ రూపాన్ని అభిమానులు కీను రీవ్స్ లుక్ తో పోల్చడం ప్రారంభించారు. ఈ లుక్ లో మహేష్ `జాన్ విక్` తరహా యాక్షన్ సినిమా చేయడం ఎగ్జైటింగ్ గా ఉంటుందని కొందరు అన్నారు.
ప్రస్తుతానికి SSMB28 గా పిలుచుకుంటున్న ఈ ప్రాజెక్ట్ హై ఆక్టేన్ యాక్షన్ ఎంట‌ర్ టైన‌ర్ గా తెర‌కెక్కుతోంది అంటూ సితార ఎంట‌ర్ టైన్ మెంట్స్ ఇంత‌కుముందే ప్ర‌క‌టించింది. దాదాపు 12 సంవత్సరాల తర్వాత త్రివిక్రమ్ తో మహేష్ తిరిగి ప‌ని చేస్తుండ‌డంతో స‌ర్వ‌త్రా ఉత్కంఠ నెల‌కొంది.
నమ్రత తన ఇన్ స్టాగ్రామ్ పోస్ట్ లో మహేష్ బాబు కొత్త రూపాన్ని ఆవిష్కరించిన తర్వాత స్టైలిస్ట్ ఆలిమ్ హకీమ్ కు ధన్యవాదాలు తెలిపింది. తర్వాత ఈ ఫోటోని ట్విట్టర్ ఇన్ స్టాగ్రామ్ లో అభిమానులు షేర్ చేయడం ప్రారంభించారు. నమ్రత తన క్యాప్షన్ లో ``వర్క్ మోడ్ ఆన్ లో ఉంది. టూ కూల్ ఆలిమ్ హకీమ్`` అంటూ వ్యాఖ్యానించారు.
మహేష్ లుక్ ని హాలీవుడ్ నటుడు కీను రీవ్స్ తో పోలుస్తూ వంద‌లాది ట్వీట్లు వైర‌ల్ అవుతున్నాయి. తాజాగా ఒక అభిమాని ఇలా రాసాడు. ``కీను రీవ్స్? ఈ లుక్ తో జాన్ విక్ తరహా యాక్షన్ సినిమా పడ్తే సూపర్ ఉంటుంది`` అని అన్నారు. మరో అభిమాని కీను రీవ్స్ తో కలిసి మహేష్ ఉన్న ఫోటోని పోస్ట్ చేశాడు. ఆగస్టులోనూ నమ్రత అదే లుక్ లో మహేష్ ఫోటోని షేర్ చేయ‌గా.. అభిమానులు జాన్ విక్ ఆఫ్ ఇండియా అంటూ అభివర్ణించారు. కొందరు మహేష్ ని జాన్ విక్ గా ఆవిష్క‌రిస్తూ పోస్టర్లు కూడా వేశారు.
`సర్కారు వారి పాట`లో మహేష్ లోన్ ఏజెంట్ గా కనిపించాడు. కానీ ఆ సినిమాకు భిన్న‌మైన క‌థాంశాల‌ను ఎంచుకుని ఇప్పుడు మహేష్ లుక్ ప‌రంగానూ ప్ర‌యోగాలు చేస్తుండ‌డం ఆస‌క్తిక‌రం. త్రివిక్రమ్ తో తన తాజా ప్రాజెక్ట్ ను పూర్తి చేసిన తర్వాత మహేష్ తన కెరీర్ తొలి భారీ బడ్జెట్ యాక్షన్-అడ్వెంచర్ చిత్రం కోసం ఎస్.ఎస్ రాజమౌళితో చేతులు కలపనున్నాడు. ఈ సినిమాని ఆఫ్రికా అడవుల్లో చిత్రీకరించనున్నట్టు సమాచారం.
ప్లెజెంట్ గా స్టార్ట్ చేసారు..
మహేష్ న‌టిస్తున్న 28వ సినిమా ప్రారంభోత్స‌వ ఫోటోలు ఇప్ప‌టికే వైర‌ల్ అయ్యాయి. చిత్ర‌బృందం మొదటి రోజు ప్రాజెక్ట్ ను ఆహ్లాద‌క‌ర వాతావరణంలో చిత్రీక‌రిస్తున్న వీడియోను విడుద‌ల చేసారు. మహేష్ బాబు - త్రివిక్రమ్ సెట్స్‌లో సంగీత దర్శకుడు థమన్.. నిర్మాతలు ఎస్ రాధా కృష్ణ - నాగ వంశీ .. స్టంట్ కొరియోగ్రాఫర్ ద్వయం అన్బరివ్ లతో కలిసి చ‌ర్చిస్తూ క‌నిపించారు. మహేష్ దర్శకుడు చెబుతున్న‌ది శ్ర‌ద్ధాగా వింటున్నాడు. హారిక అండ్ హాసిని క్రియేషన్స్ పతాకంపై ప్రముఖ నిర్మాత ఎస్.రాధా కృష్ణ (చినబాబు) నిర్మిస్తున్న ఈ చిత్రంలో పూజా హెగ్డే కథానాయికగా నటిస్తోంది.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.