ఆ భారీ మల్టీస్టారర్ సాధ్యపడేనా...?

సినీ ఇండస్ట్రీలో మల్టీస్టారర్ మూవీస్ అనేవి ఇప్పుడు కొత్తగా వచ్చినవి కాదు. అప్పటి జనరేషన్ హీరోలు ఎన్టీఆర్, ఏఎన్నార్, కృష్ణ, కృష్ణం రాజు, శోభన్ బాబు ఇలా అందరు హీరోలు కలిసి నటించారు. కానీ ఆ తర్వాతి జనరేషన్ హీరోలు మాత్రం మల్టీస్టారర్ మూవీస్ చేయడానికి ఎందుకో ఆలోచిస్తూ వచ్చారు. అయితే ఇప్పుడు మళ్ళీ టాలీవుడ్ లో మల్టీ స్టారర్ లు చిన్నగా ఊపందుకుంటున్నాయి. 'సీతమ్మ వాకిట్లో సిరిమల్లె చెట్టు’ సినిమాతో స్టార్ట్ అయిన ఈ స్టార్ హీరోలు మల్టీస్టారర్స్ ట్రెండ్ ఇప్పటికీ కొనసాగుతోంది. ఇద్దరు స్టార్ హీరోలు కలిసి నటించడానికి ఆసక్తి చూపిస్తున్నారు. ఈ నేపథ్యంలో దర్శకధీరుడు రాజమౌళి దర్శకత్వంలో ఎన్టీఆర్ - రామ్ చరణ్ లు కలిసి 'ఆర్ ఆర్ ఆర్' సినిమాలో నటిస్తున్నారు. ఇప్పుడు లేటెస్టుగా సూపర్ స్టార్ మహేష్ బాబు - ఎన్టీఆర్ కలయికలో ఓ భారీ మల్టీస్టారర్ తెరకెక్కబోతోందని.. ఈ చిత్రాన్ని మెగా ప్రొడ్యూసర్ అల్లు అరవింద్ నిర్మించబోతున్నారని వార్తలు వస్తున్నాయి.

కాగా మహేష్ బాబు - ఎన్టీఆర్ కాంబోలో అసలు సినిమా సాధ్య పడేనా అని ఇండస్ట్రీ వర్గాల్లో చర్చించుకుంటున్నారు. ఎందుకంటే 'ఆర్ ఆర్ ఆర్' లో తారక్ - చరణ్ కలిసి నటించడానికి ముఖ్య కారణం దర్శకుడు రాజమౌళి. నిజానికి ఆయనకి ఉన్న క్రేజ్ ని దృష్టిలో పెట్టుకొని ఎంత పెద్ద స్టార్ హీరోలైనా నటించడానికి ముందుకొస్తారు. అయితే ఇప్పుడు మళ్ళీ అదే రేంజ్ లో మల్టీస్టారర్ తీయాలంటే అలాంటి దర్శకుడే కావాలి. కానీ ప్రస్తుతం టాలీవుడ్ లో ఆయన కాకుండా మరో డైరెక్టర్ ని నమ్మి సినిమా చేసే ధైర్యం స్టార్ హీరోలు చేయకపోవచ్చు. ఎంత మంచి కథ దొరికినా వేరే దర్శకుడిని నమ్మి సినిమా చేస్తారనేది అనుమానమే. ఈ నేపథ్యంలో మహేష్ బాబు - ఎన్టీఆర్ కాంబినేషన్ లో సినిమా సాధ్యపడకపోవచ్చని.. నిజానికి వీరి కలయికలో మూవీ వస్తుందంటే ఫ్యాన్స్ సైతం నమ్మలేరని.. ఆ ప్రాజెక్ట్ డైరెక్టర్ రాజమౌళి అయితే మాత్రం జరిగే ఛాన్స్ ఉందని ఇండస్ట్రీ వర్గాల్లో టాక్ వినిపిస్తోంది.