మేనల్లుడి లెక్క ఆశ్చర్యంగా ఉందే

మెగాస్టార్ చిరంజీవి.. అప్పటికీ ఇప్పటికీ నంబర్ వన్ రేంజ్ లో ఉండడానికి నిలబెట్టుకోగలగడానికి ప్రధాన కారణం.. ఆయన బిహేవియర్. వివాదాలకు దూరంగా ఉంటూ.. సందర్భం వచ్చినప్పుడల్లా అందరినీ కలుపుకుపోవడం.. కాంపిటీటర్ హీరోలు పిలిచినా వారి ఫంక్షన్స్ కు వెళ్లడం లాంటివి చిరంజీవికి ఇండస్ట్రీలో తిరుగులేని ఇమేజ్ సంపాదించి పెట్టాయి.

ఇప్పుడు చిరును పక్కాగా ఫాలో అయిపోతున్నాడు మెగా మేనల్లుడు సాయిధరం తేజ్. ఎలాంటి వివాదాలు తనపై రాకుండా చూసుకోవడమే కాదు.. ప్రతీ ఒక్కరితోనూ కలిసిపోతున్నాడు తేజు. ఇండస్ట్రీలో రకరకాల గ్రూపులు ఉన్న మాట వాస్తవమే అయినా.. అందరితో మంచి రిలేషన్స్ మెయింటెయిన్ చేస్తున్నాడు. గౌతమిపుత్ర శాతకర్ణి రిలీజ్ సమయంలో.. బాలకృష్ణకు అభినందనలు చెప్పాడు. రీసెంట్ గా మంచు మనోజ్ మూవీ గుంటూరోడు ఆడియో ఫంక్షన్ కు వచ్చాడు. అంతే కాదు.. తాను మోహన్ బాబుకు చిన్నప్పటి నుంచి అభిమానిని అన్నాడు.

రీసెంట్ గా తన కొత్త చిత్రం జవాన్ షూటింగ్ ప్రారంభం సందర్భంగా.. జూనియర్ ఎన్టీఆర్ తో తొలి క్లాప్ కొట్టించాడు. త్వరలో విడుదల కానున్న విన్నర్ మూవీ ట్రైలర్ ను మహేష్ బాబుతో లాంఛ్ చేయించాలని చూస్తున్నాడట తేజు. మొత్తం ఇండస్ట్రీని ఏకం చేసేస్తున్న తేజు లెక్క.. ఇండస్ట్రీ వర్గాలను కూడా ఆశ్చర్యపరుస్తోంది.

Like Us on Facebook : https://www.facebook.com/Tupakidotcom/