ముంబైలో ప్రమోషన్స్ ప్రారంభించిన మాస్టర్ సుందరి..!!

ఈ మధ్య టాలీవుడ్ - బాలీవుడ్ అనే భాషాబేధం లేకుండా అన్నీ ఇండస్ట్రీలను అందాలతో ఊపేస్తున్నారు కుర్రభామలు. ప్రస్తుతం ఆ ట్రెండులోనే అడుగుపెట్టింది మలయాళీ కుట్టి మాళవిక మోహనన్. ఈ భామ సోషల్ మీడియా మొత్తం తన అందాలతో షేక్ చేస్తోంది. ప్రముఖ సినిమాటోగ్రాఫర్ మోహనన్‌ కూతురుగా ఎంట్రీ ఇచ్చిన మాళవిక ప్రస్తుతం తనకంటూ ప్రత్యేక గుర్తింపు తెచ్చుకోవడానికి ప్రయత్నిస్తుంది. సూపర్ స్టార్ రజినీకాంత్ ‘పేట’ సినిమాలో మెరిసింది. కానీ ఆ సినిమాతో మాళవికకి పెద్దగా గుర్తింపు రాలేదు. ఆ సినిమాలో చీరకట్టుతో మెప్పించిన మాళవిక ఇప్పుడు కళ్లు చెదిరే రీతిలో అందాలు ఆరబోస్తుంటే.. అమ్మడిని చూసి నోరేళ్ళబెడుతున్నారు అభిమానులు.

ప్రస్తుతం ఈ భామకు తెలుగులో ఛాన్సులు రానప్పటికీ మాస్టర్ తర్వాత ఖచ్చితంగా వస్తాయని గంపెడు ఆశలతో ఉంది. ఇక సంక్రాంతి కానుకగా రానున్న మాస్టర్ సినిమాతో అమ్మడు టాలీవుడ్ - కోలీవుడ్ - బాలీవుడ్ ఇండస్ట్రీలలో అడుగు పెడుతోంది. ఇళయదళపతి విజయ్ హీరోగా నటించిన ఈ సినిమాలో మక్కల్ సెల్వన్ విజయ్ సేతుపతి విలన్ గా నటిస్తున్నాడు. అయితే జనవరి 13న మాస్టర్ విడుదల కానుండగా ఈ సినిమాను ప్రమోట్ చేయడానికి ముంబైలో అడుగు పెట్టింది. ఎందుకంటే మాస్టర్ హిందీలో కూడా రిలీజ్ అవుతోంది. ఫస్ట్ టైం విజయ్ మూవీ హిందీలో రిలీజ్ కాబోతుంది.. అందుకోసం మాళవిక ముంబైలో ప్రమోషన్స్ చేయనుంది. ఇక ముంబైలో దిగిన వెంటనే సోషల్ మీడియాలో ఫోజులతో కుర్రకారుకు నిద్ర లేకుండా చేస్తుంది. ఆ ఫోటోలో స్టైలిష్ కాస్ట్యూమ్స్ ధరించి ఆకర్షిస్తుంది. ఈ ఫోటోలలో మత్తెక్కించే వయ్యారాలతో అందరి చూపులను తన వైపు తిప్పుకుంటోంది. ప్రస్తుతం మాళవిక ఫోటోలు నెట్టింట తెగ వైరల్ అవుతున్నాయి.